[oliver68]

كاتب النص الأصلي : كوستا

شو بدي احكي يا طارق
قريت الموضوع واشعر بدني
الكلمات كبيرة كتير
بس انا ما بطلع من سوريا
رغم كل السيء والمنيح يللي فيها

بدي موت هون

خليها لربك أبو شريك، ليش مين بيطلع من سوريا برضاه؟؟؟؟؟ الله وكيلك لئمة الخبز و بناء المستقبل صعب كتيييييييييييييييير تعملهن بسوريا، يعني إزا بدك تكمل جامعة ما بتنجح إلا بالواسطة و الرشاوي، إزا ما بدك تكمل جامعة إجباري تنذل و تنهان بالعسكرية، و إزا خلصت عسكرية بدك شغل ما بتلاقي و السما زرأة، إلا إزا بتشتغل صنايعي عند شي معلم بالصناعة أو موظف تافه بشي مؤسسة، طبعا غير المعاملات يللي بتطلع روحك أبل ما تخلصها، يعني يا زلمي كأن عمبؤولوا للعالم اطلعوا من سوريا، شبدكن بهالعيشة؟؟؟؟؟
بالمختصر إزا ما كنت حرامي أو نصاب أو ابن حرام مصفى و بعثي مستحيل تعيش بسوريا حياة فيها أقل مقومات الحياة البشرية، هي طبعا إزا -بعيد الشر- ما أكلت شي مرض، لأن ساعة المرض اعتبرها النهاية يا معلم، لأن خلص لافي تأمين صحي متل البشر ولافي حكومة مهتمة فيك، يعني المواطن شو بالنسبة للحكومة؟؟؟؟؟ حبيبي المواطن حشرة، المواطن مظهر من مظاهر الامبريالية يجب القضاء عليه، المواطن يعني شعب، والشعب يعني حرية و مساواة، و هي حبيبي مو أهداف الحركة التصحيحة و مو من منطلقات الحزب و الثورة، و بالتالي المواطن عبارة عن ترهة امبريالية و حشرة يجب إبادتها.