هلق قبل كلشي وقبل ما تنقال اي كلمة انا عم احكي بصفتي King RORO احد اعضاء الاخوية القديمين
وليس بصيغة الباشا المشرف لقسم الكمبيوتر والانترنت.... يعني مجرد راي خاص.. وتم التنويه
هلق مرحبا شباب من عند الغالي ابونهلا لاحمد العجي اخونا والعينتين باددوود ويامن اخونا كمان.....
خيو ....
في كتير منتديات خير الله .... موبايلات ادبية فضائيات نسائية صحية مسيحية اسلامية
بكون الها واقع معين تهتم بموضوع معين او بتركز ع شي معين اكتر من غيرو
ونحن هون بمنتدى اسمو اخوية مميز بكتير اشيا من ضمنها الدينية بس الاهم من كلشي هو جو الاخوية بشكل عام
يعني يللي بميزو عن غيرو الالفة بين العضاء ....وبشكل خاص طبيعة التعامل بين الاعضاء كاخوة (وخاصة انو قسم كبير من الاعضاء بتعرف بعضها بشكل شخصي)
مشان هيك حبيت بلش بهالكلمة (خيو) لانو نحن بمنتدى عنوانو متضمن هالكلمة (اخوية)
يعني يفترض انو يكون التعامل هون عاساس شيء من الالفة والمحبة بكل احترام ورواق وذوق واختيار مناسب للكلمات ومعانيها بمواضيعنا وردودنا ومضمونها ..... وهالشي بيطبق عالعضو القديم قبل الجديد والكبير قبل الصغير .....
وللاسف باخر فترة بالمنتدى صار في اختراق كتير لهالمفاهيم ....
مواضيع هابطة المستوى بالمحتوى او بالمضمون ....... صور مبتذلة ويمكن اكتر ..... كلام يمكن بالشارع ما منسمعو ياجماعة
طيب يللي عم يعمل هالشي بقصد او من دون قصد ..... قبل ما يكتب او يشارك بتمنى كان يراعي شوي اسم المنتدى ومفهومو
يعني كفكرة عامة هالعضو لو بيعرف انو يمكن اختو او صديقتو او ابو اوحدا من قرابينو يقرا شو كتب.. بعتقد كان تراجع ....
هلق رح تقولولي شو دخل هاد بموضوعنا وانا رح جاوب ...
انتي كعضو بمنتدى اخوية.نت مسجل ومشترك ..... لازم تتاقلم مع جو المنتدى جو الالفة والطيبة ....وهالشي بيطلب منك تعامل غيرك بلطف وتبعد عن الاجواء السلبية قدر الامكان وقبل ماتوجه اي عبارة انو تتاكد انو انت يا ترى بتوجه هالشي لشخص عزيز عليك؟؟؟؟بخصك؟؟؟بيقربك؟؟؟؟
كلياتنا منتقاتل ..... حتى مع اهالينا ...... مع اخواتنا .....مع رفقاتنا.....مع يللي منحبهن...
انا معكن.... بس علواه تكون خناقاتنا هون متل المقاتلات يللي فوق .... وما تتعدا هالشي
ضل خلافات بين اخوة .. بين صحاب وحبايب ....
طيب ويللي ما بيقدر ما ضروري يفرجينا انو ما بيقدر .....
ياعمي الادارة حطت شي اسمو رسالة خاصة .....ضلو حكو وتختنقو لتقولو حاج... مع انو ما انعملت لهالشي اكيد
بس مو معقول عضو ما بتحبو او ما بيعجبك ينزل موضوع او يكتب رد وما يقرب صوبك تقوم ترد عليه تقول انتي ما بتفهم لمجرد الرد
مشان تقهرو ......
او موضوع عام حبيت تعلق عليه ....او تنزل موضوع جديد ....... ماضروري يكون فيه صور مبهدلة او كلام مبتذل لحتى يحوز ع رضا الاعضاء وردودهن ...... ياسيدي وحسوب اجاك كام رد مو معناها الاعضاء كلها معجبة .......
بالعكس بزيد نفورهن منك يا كاتب الموضوع او الرد .....
وافترض عضو نزل عليك مشاركة تخويت او مسبة معينة .... وقعدت انتي مسبات ب ربو .... طيب كلياتنا منسب وماحدا اكل لسانو لقط .... بينما لو ازعجك موضوع او رد الحكي فيه بمسك او كاتبين عنك بطريقة غير لايقة شو المشكلة اذا بعتت للمشرف لينك الموضوع وخبرتو باللي صار قديه بكون موقفك اقوى لما بينحذف موضوعو او ردو من المشرف وبتتوجهلو رسالة تحذيرية من المنتدى؟
اقتباس:
|
هون المشكلة الحقيقية أنو الادارة كانت متراخية جداً ...لدرجة أنو ما عندي تفسير غير أنو الادارة موافقة على الوضع و رضيانة ؟؟؟؟
|
هلق للادارة موقف معين من هالاشيا وطريقة خاصة لترتيب هيك امور بتقتضي التساهل .....مع اني كرأي وموقف شخصي بحس انو الحزم بيلزم كمان.....
يافرعون مين فرعنك ....قلهن مالقيت يللي يردني.....
يعني لماا قلان بيكتب بطريقة ما وما حدا بيمانع هالطريقة ...
في احتمالين
1- بضل يكتب وما حدا يهتم لوقت ما يتعظ ويرجع طبيعي ووقتها بقية الاعضاء يللي بدو بصير يلغي الفكرة وهادالمطلوب
2-بس الاخطر انو بدال الكلمة العاطلة يزت 10... ويستمر السماح المؤقت لوقت غير عضو بوصل لمرحلة انو يمكن يفكر انو هو الغلط وهداك هو الصح وبصير متضطر يسايرو مشان يفوت بالجو .... ووقتها بتصير الحالة
هلق كلشي حكيتو كان بشكل عام لنجي عالخاص:
اخي احمد بمتنى معلش سمحلي بهالكام كلمة ...
انا الي اعتراض ع كتير كلمات ذاكرها بكتاباتك (وليس ع موقفك انتي حر بيللي بدك ياه...ومامن حقي اتدخل)
وخاصة انو كنت قائم مع احد الاداريين ع كام رد انحذفو زاد فيهن التشهير من قبلك بحق عضو ما اولا وبحق مستوى الحديث تانيا
حبيب بعرف انك بتكون معصب ومتدايقك من ردو للعضو بس بتمنى تجاوبني ليش ما توجهت للمشرف القائم عالقسم يللي تمت الاسائة فيه؟ هلق انا عم احكي وما بعرف اذا تم هالشي وما لقيت تجاوب من المشرف ....
وقتها بكون حقك علينا .......وانا اول واحد رح صف معك...... واخدلك حقك ....
مع انو يكون بعلمك انو ماحدا الو مصلحة ضدك او يضاقك .... بالعكس انتي وكل اعضاء اخوية مرحب فيهن ضمن الاصول
وهالحكي ما بس عليك... الحكي عكل العضاء يللي تمت المشاحنات معهن....
وما بقلك انو ماعليهن حق .....بالعكس انا بلومهن متلك ......وبلوم ابو نهلا ع شوية الحدية بطرح الموضوع وبتمنى ما حدا يزعل مني
لاني انا ما عم احكي لاني بكره حدا ....بالعكس كلكن متل اخواتي
وكنت بتمنى ولهلق بتمنى اذا رح يضل في مهاترات ... وانشالله لاء
انو كحل مبداي انو تنتقل عالرسائل الخاصة....
وبطلب منك طلب خاص انو اذا حدا بيتعرضلك باي موضوع او رد بدون وجه حق ....
بس تخبر المشرف المسؤول بالشي الصار واذا حسيت حالك انظلمت بتمنى تكتب هالشي بموضوع بقسم بريد الاخوية
واذا فيني ساعدك بعيوني لاخدمك يا معلم......