اقتباس:
كاتب النص الأصلي : وائل 76
مع شديد احترامي لرئيك
|
أنا بشكرك على التعليق على الشيء اللي أنا كتبته وبحب قلك إنو أنا قبل الموضوع ما كان عندي هالمعلومات الكافية عنو بس من خلال الدراسة بس حبيت بيّن وجهة نظري ....
أمّا رأيي فما بيّن على نحو واضح ..... بصراحة يا أخ أنا
ضد الحجاب عن صغر السن إلا في حالات بتختلف حسب الزمان والمكان والوضع العائلي يعني اختلاف المجتمعات ..... هاذ رأيي بكل بساطة بعتقد إنو موضوعي ......
بس حابب أكتب مداخلة صغيرة وإذا بتسمح رح عزبك برد ثاني ..... بعد ازنك .....
من المصادر الاجتهادية وأخطرها وأعظمها في تطور التشريع الاسلامي هو ( الاستحسان )
أتى التعريف به كما يلي : ( هو العدول بحكم المسألة عن نظائرها إلى حكم آخر لدليل شرعي ) ومن أنواع الاستحسان هناك الاستحسان الاستثنائي الذي يضم عدة صور أوضحها بالتعاريف :
الاستحسان بالعرف : اذا تعارف الناس أمراً يخالف القياس من حيث الحكم ، جاز مخالفة القياس استحساناً والأخذ بالعرف ........... ( 1 )
الاستحسان بالمصحلة : يتحقق هذا الاستحسان في كل واقعة ثبت حكمها بنص عام ثم عدل عنه إلى حكم آخر مخالف له لمصلحة اقتضت هذا العدول ........... ( 2 )
وهيك رح نشوف أنو بالامكان قبول تعليل الفقهاء اللي راحوا للتوسع بالاستحسان ولو ورد في القرآن أو السنة أو غيرها وفي كثير أمثلة على هالشيء
وعندك من خصائص الفقه الاسلامي : تلبية التشريع الاسلامي لحاجات كل عصر من خلال مراعاة التقاليد والأعراف التي تعبر عن تطوير المجتمعات .
طيب ..... السؤال وين ؟؟!!!
بـــ ( 1 ) رح قول إنو في مجتمعات كثيرة بهالأوقات هلأ صار عندهم الحجاب مرحلة من مراحل التاريخ يعني هنّي مسلمين وعندهم ايمان وكل شيء بس ما بيلبسو حجاب . والمجتمع اللي عايشين فيه ما أظهر أي اعتراض على هالشيء ( عرف ) ...
طيب هيك بكونو مخالفين ولا معهم حق بحسب الاستحسان بالعرف.... ؟
بـــــ ( 2 ) كمان في مجتمعات عندهم الحجاب شيء غير مقبول متل بلاد برّا ... طيّب إذا هالبنت الصغيرة تحجبت على بكير ممكن تلاقي نفور من باقي فئات المجتمع ... وإذا أي بنت أو مرأة تحجبت ممكت تلاقي كراهية أو شي من هالقبيل ....
طيب إذا ما تحجبو كل هدول رح يكونو مخالفين ولا عملو بحكم الاستحسان بالمصلحة ... ؟
برجع بقول أنو معلوماتي متواضعة وحبيت بس اتساءل واحصل على جواب ...... وشكراً إلك مرة ثانية أخ وائل لأنك أكثر شيء أغنيت الموضوع بالمعلومات .....
