حدا منكن لاحظ تكرار هالعبارة "فتت بالحيط" او "فوّتو بالحيط" او "فايتين بالحيط" خصوصاً لما يكون الحكي عالرايق ومن دون انفعال وكأنو عملية الفواتان بالحيط بحد ذاتا شغلي ممتعة مثل مشاهد أفلام الكرتون حتا لدرجة أنو صرنا نطبق الموضوع على مستوى أكبر من الأفراد وصرنا نقول أحيانا أنو البلد فايت بالحيط.
اللي بدي أعرف جواب ألو أنو صحيح الكلام هون مجازي بس ممكن حدى يعطيني فكرة مثلاً ليش ما بنجرب نفوت بشي ثاني على سبيل المثال بالسقف أو بالباب أو بالصوبيا بلكي الواحد بيكسر هالملل الي سببو الحيط وبيني وبينكن قرفنا من هالحيط.