بدي ابلش بالترتيبي الي بلشتي فيه
انا يساري فلسطيني ( جبهة شعبية لتحرير فلسطين)
اسير سابق وبحن للاسر مش عارف ليش بجوز لاني شتقت لرفاقي
انا بسمع فقط اغاني وطني ومرات لكاظم
واكتر شي بفضل سميح شقير (بغني بس وطني)
انا بقتدي ب ارنستو تشي جيفارا بكل شيء
اكثر ممثل بحبو وهو احمد السقا
احلى اغاني بحبها ولاني تقريبا يوميا بسمعها (وطنية) جنين المجد و وقوفا كالاشجار
انا دائما متمسك برأيي ولا اتنازل عنه
وعندي قدرة على الاقناع
بشتغل بمحطة تلفزيون
وبدرس برمجة كمبيوتر
اكثر انسان بكرهه مصطفى كامل
واكثر شخصية حاقد عليها الكابتن روني ( محقق بمعتقل الجلمة )
انا باكل اي شي
بحكي روسي ( بس خفيف ) يعني بلطش وحابب اتعلمها مزبوط
اكثر لغة بحب اتعلمها وبحب كل اهل فلسطين يتعلموها العبري
افضل اصحابي استشهد من شهر ما ضللي غيره
الله يرحمو
والباقيين بمجدو والدامون وعسقلان
انا معتر ما الي حدا
علشان هيك بدور على اصدقاء افهمهم ويفهموني
امنيتي ......................بلاش خليها بقلبي
اكتر تاريخ بحبو هو 11/12/1967
دوروا عليه وبتعرفوه
والتاريخ الي بعده 12/2
عيد ميلادي
حبيبتي اسمها ...... ( لا ما بدي احكيلكم)
خلص ما ضل شي مهم ولو انو كل الي حكيته مو مهم
المهم اني بينكم ومعكم
جيفارا - فلسطين - مخيم جنين
ان الحق الذي لا يستند على قوة تحميه فهو باطل في شرع السياسة
فلا تمدد يديك للحق مطالبا ما لم تنفجر من بينها القنابل