[shosho cat]

يا اخي برامج الافتاء هذه وغيرها على التلفاز بمواضيعها التي تطرحها, مجرد وسيله لالهاء الناس بقضاياهم الصغيره حتى ينشغلو بتفاصيل حياتهم وينسو قضاياهم المهمه والكبيره , والواقع المؤلم الذي تعيشه الامه....

يعني تجد انو الاستفسارات شخصيه جدا , ومعظمها مكرر , وفي بعض الاحيان اشعر وكانو الشخص عم يسال مشرف اجتماعي ليحل مشكلتو مو عم يستفتي شيخ , واختيار مواضيع الحلقات يكون معد مسبقا في كثير من الاحيان حتى لا يقع الشيخ في حرج الاجابه على سؤال مثل (ما حكم الجهاد في العراق) فتجده في مازق , وصار ميت لون ولون ومو عارف كيف يطلع من هاي الورطه , وصارت كتيييير.......

حتى خطب الجمعه على التلفاز , بتحس انك عم تحضر درس تاريخ , يعني نادرا ما يتطرقو لما هوه حاصل , ما بعرف ليش بدهم يحسسونا انو الدين منفصل عن الواقع , يعني بهداك الوقت كانو يحكو عن شغلات صايره بوقتهم , والدين صالح لكل زمان ومكان , صار لازم هلا نحكي ونربطو بواقعنا .....

يا اخي بلاش التلفزيون ....طيب وصلت فيهم انو في المساجد ...يوزعو خطب الجمعه جاهزه ومكتوبه وعلى الخطيب ان يلقيها على الحضور وكانو عم يسمع درس في التاريخ ....واذا كان الشيخ عندو ضمير ....بتلاقيه بحاول يوصل افكارو بطريقة التلميح والكلام المبطن .....وعلى الحضور ان يكون لديهم الفراسه ليستطيعو فهم ما يقصده الشيخ ...واذا غلط وفلت السانه هيك ولا هيك بتيجي الجمعه الجاي ما بتلاقيه واذا سالت بحكولك راح على العمره......اخي بحكيلي انو في شيخ صارلو 6شهور في العمره