[ليندا]

كاتب النص الأصلي : Danito

موضوع اللغة مهم أكيد بس هي الكاريكاتورات اللي بالبداية أجتني مرة بالإيميل و أكثر منها حتى جاوبت عليها بالرد التالي: "انا ما دخلني أنا سوري ابن سوري" ليش؟
صحي الصور عم تعالج موضوع اللغة بس هي مكتوبة باللهجة المصرية المحكية مو الفصحى
خيو .........نحنا عم نحكي عن اللغة عن الاساس مش اللهجة هاد هو الموضوع ...سواء كان باللهجةالمصريه اوغيرها .المهم انه عربي بالنهايه وهي مجرد صور او امثله من الحياة الواقعية يلي بنعيشها.
المهم في بعض النقط اللي بدي قولها:

* المد الثقافي بيفرض حالو فرض: يعني اللغة الفارسية و العربية كانت لغة الطبقة المثقفة بالهند بالألفية الأولى ، اللاتيني بأوروبا بالقرون الوسطى.. يعني اللغة اللي بيكون فيها نتاج كبير علمي و ثقافي بتفرض نفسها بطبيعة الحال، بتضيفو العامل الاقتصادي للغة الإنكليزية، و انفتاح الحضارات على بعضها بما يخص اسماء الأكل و الشرب بس ما بيمنع أنو من واجب المطعم شرح مكونات الطبق بجميع الأحوال لأنو مو مطلوب من الزبون يعرف كل أطباق الدنيا

انا معك ..ان هاد مد ثقافي ونحنا مالنا ضده بنوب بالعكس انا عم قول ان من الرائع ان نتقن اكتر من لغةخاصة في مجالي العمل والدراسه
لكن المبكي في الامر اننا ننسى لغتنا اونحاول ان نتناساها من اجل هذا المد...يعني بنظري انا ان الشغلة شغلة وقت لحتى تندثر لغتنا ..وتحل محلها لغة تانيه.
* نحنا شعوب مختلفة و عنا لغاتنا الأصلية قبل العربي (الآشوري السرياني الآرامي القوراني النوبي الأمازيغي الكردي التركمانستاني الأرمني.. ) و هي اللغات شبه اندثرت يعني بس اللغة العربية صارت اللغة الوطنية لكل البلدان لأسباب سياسية بحتة و هي بتتفاوت من دولة لأخرى.
هلق موضوعنا اللغه العربيه .........وهي هي اللغة الرسميه بالوطن العربي وهي هي يلي جامعتنا هلق..بقى مابدنا نبعد عن الموضوع ونوسع الدائرة وندخل في نقاش عن اللغات القديمة.

* هلق أكيد في ناس بتحب تتصنع أو تستعرض،
هون مربط الفرس .........الاستعراض... وهاد بيطابق يلي شفناه بالكريكاتورات قبل وهو يلي صاير عنا
بس اللي بيتنقل بين اكثر من بلد و أكثر من لغة خاصة لما بتكون اللغة جزأ أساسي (دراسة ، عمل) مع الوقت بيصير عندو صعوبات و بتصير لغته العربية مكركبة يعني لأنو تفكيروا و أسلوب تعبيره مع الوقت بيقلب على اللغة التانية و بيصير يحاول يترجم بعقلو قبل ما يحكي فأحيانا بيستسهل إدخال كلمات أو تعابير أجنبية

بس لو كان هاد عزر لكل واحد كان قلنا على اللغة العربيه السلام

كل الشكر الك Danito