اقتباس: كاتب النص الأصلي : للهوى احكام منوشة اشكر تفاعلك مع موضوعي اولا واشكر عبارات الاعجاب التي سطرتيها باناملك الذهبية والتي اخجلتني وما زادتني الا همة سيدتي انا لا انكر فضل ابائنا بتربيتنا ولا انكر خوفهم علينا لكن انكر طريقة تفكيرهم المتحجرة والتي يعاني منها كثير من الشباب في وقتنا الحاضر اعطيكي مثالا على كلامي عندما جمعت نقودي كي اشتري جهاز الكمبيوتر وكنت مصمم ان اخترق الشبكة العنكبوتيه المهم اشتريت الجهاز وكل شي تمام حكيت للوالد الله يحفظو بدي نزل خط انترنت طبعا ما خلى علي غلطة وطبعا بصدق لا اكذب وهذا الواقع انقله بكل شفافية وروح رياضية المهم يا بابا يهديك يرضيك خليني جيب خط انترنت المهم ما رضي احكي مشيت متل ما بدو وصرت اسهر بمقاهي الانترنت وصار الكمبيوتر عبارة عن اداة لطبع بحوث اختي الجامعية بيوم من الايام رجعت على البيت والا ما لقيت الا في دورية شرطة وقفوني وحكولي اعطيني هويتك الهوية مش معي حكولي تفضل معنا بوقتها كان في شوية اضطرابات بالبلد والله رحت على قسم الشرطة واكلت بهادل وكفوف قد شعر راسي وطبعا امي وابي بالييت قاعدين بيغلو انو ليش انا تاخرت بعد ما صارو خدودي زرق من ميك اب الشرطة حكيت مع ابي وحكيتلو هيك هيك القصة طبعا الزلمة كان في عقل وطار اجى لعندي وطلعني .... بس مش هون موضوعي موضوعي انو ابي مفكر الانترنت مكان للدعارة هيك وجهة نظرو شئ غريب دخل بيوتنا لازم يكون هو مجربو بعدين احنا نجربو طيب شو الي دخل انا ماكان على دورهم في انترنت ؟؟ المهم نزلت خط انترنت وما تاكد من ابداعي غير لما حكى معو صاحب احد المنتديات الاردنية الي مشترك فيها امانة دير بالك على ابنك والله ما في منو هووووون اقتنع 100 % طيب ليش من اول ما اقتنع ؟ ليش خلاني اتبهدل من ورى استبدادو ؟ طيب ليش ما يخليني اغلط لاني لو ما غلطت ما بتعلم طول حياتي ؟ للحديث بقية اقبلي تحياتي كل هاد بسبب خط انترنت شوف اخي بالنسبة للأنترنت وآباءنا مع الاسف انو هالجيل الي قبلنا كل معلوماتة عن الانترنت بيتلقاها من التلفزيون وما ادراك ما يقولون بالتلفزيون عن الانترنت وجرايم الانترنت وعليه بخاف اهلنا يفتحولنا المجال وما بعرف ليه ما بيحطو ثقة بينا وبالتربية الي ربونا عليها وبس ببصو لهالتكنولوجي من الواجهة السيئة وبينسو انو هني ربونا على القيم والاخلاق متل ما بيحاول اهلنا كمان انون يختارو لنا الاصدقاء انا مثلا بيوم من الايام كان عندي صديقة ما بدعي انها على خلق عالي وهيك اشيا بس كمان فيها صفات كتير حلوة خلتني تغاضيت عن الغلط الي فيها مشانهم المهم لقيت ماما بيوم عمتقلي انو هالبنت شكلها معرف كيف وقالتلي كمان انو ما احكي مع هالبنت مرة تانية، المهم اعدت حاول اقنع في امي انو هالبنت طيبة وعديتلها الصفات الحلوة الي بيها ولا حياة لمن تنادي صدقني انو سيطرة ابائنا علينا كتير كبيرة وصعب انو نتحملها بس لما العمر بيمشي ونخوض التجربة الي حاول ابائنا انون يمنعونا من دخولها بنلاقي بالاخير انو كان معهون حق بكل الي بقولوه بس هني من خوفون علينا وحبون لنا ما بحبو يشوفونا مجروحين او مضرورين بأي شكل من الاشكال