اول شي بشكرك على هالموضوع
والعنوان جذبني لحتى فوت على هالموضوع والاكتر اسمك الي اعتدنا عليه انو دائما عم يطرح مواضيع
ذات وعي و من واقعنا الحالي
اما بعد......
اكيد في ناس كتييير متل هلاستاذ الفيزيا لي ذكرت انو عمل هيك بالدارة
ليش مافكر انو هالولد حاول وعمل على رغم صغر سنو
مو ندمر احلامون او حتى هي الفرحة الصغيرة الي كان حاسسها بوقتا
هالموضوع متشعب والو عدة اطراف للنقاش فيا ان كان للاطفال من مراحل المدرسة وتربية الاهل الهون
ولا الشباب المتربي على اسلوب وعادات الاهل الي متل ما شبهتون بالفيديو يعني شو ماعلمت وشو ما قلتلو كلو بيتسجل وبيصير شريط منسوخ من الاهل
هاد الا اذا كان الاهل جهلا وماعندون ثقافة رح يربو الاولاد على هالشي واذا الي ولد او لنقول بنت عندها حلم لنفرض مذيعه اكيد المجتمع الي عايشة فيه مارح يقبلا هالفكرة لانو باعتقادون انو لا كل وصول ثمن
هنن ما بيعتبروا انو الدراسة هي ثمن هالنجاح لاء بيفكرون انو في ثمن رح تدفعوا البنت كرمال تصير وتصل
يعني رح يعتبروا انو نجاحا مبني على شرفا
اما اذا كانو الاهل متفهمين ومثقفين ومن ذوات المستوى الاجتماعي الراقي (وباعتبار انو مابيفرقوا بين الشب والبنت )
انو كمان اذا درس شي اقل من المستوى الاجتماعي تبعون او شي ما بيليق بسمعتون (متل ما بيعتقدو )
كمان رح يقتلولوا حلمو
مثال حي انا
انا بحب دراسة التجميل من لما كنت صغيرة اهل ما خلوني فوتا وماخلوني ضلو ورايي لبين ما فوتوني صيدلة
بس انا ما بدي مابحبا ودراستها طويلة انا من النوع الحرك الي بحب كون كل يوم بمكان
متنقلة يعني مابقدر اقعد بنفس المكان 6 سنين وانا عم ادرس وضيع عمري بشي مو حاببتوا
المهم بقيت عليهون وماكانو يقتنعوا
اخر شي رسبت حالي
وقلتلو ماعاد بدي ادرس وبدي ضل بالبيت من دون هدف ولا الي قيمة بهالحياه
المهم بعد فترة شهر اهلي اقتنعوا بفكرتي ( دراسة التجميل ) ولا بيفاجئوني انو سجلوني لحتى ادرس
وهلاء انا مبسوطة ومرتاحة نفسيا وهنن كمان مبسوطين انو قدرو يحققولي شي انا بريدو وصار يشجعوني
يعني هيك عالم شو بيطلع بايدنا نعمل لحتى يتغيرو
_______________________________________________
بعدين
الله خلق البشر وخلق لا كل واحد الو طبع وعادات وصفات تختلف عن التاني
لو كان كل البشر متشابهين لكان العالم اسود وممل لايوجد ماهو هي كي تعيشة او تناقشة
او او او او او الخ الخ
حديث طويل ومتشعب وانشاء الله كون قدرت عبر عن الي حسيتو لما قريت الموضوع
:لَسْتُ مُجْبَره..!
أَن ْأُفْهِمْ اْلآخَرِيْنَ مَنْ "أَنَاْ" ..
وَلَــَـ,ـَ,ـَـ,ــــَكِنْ..!
مَنْ َيمتَلِكْ مُؤَهِلَاْتِ [اْلعَقْلِ" وَالْرُوْحْ"..]"
!سَأَكُوْنُ أَمَاْمَهُ كَكِتَاْبٍ[مِفْتُوحْ"...]"!
|