[ري مي]

الملل
لك والله شغلة
يعني افرض مثلا مثلا يعني أنك وصلت لمرحلة بعيدةمن الملل \للدرجة القصوى يعني\
عالاسطوووووح...... برافو عليك
بحساب كل رفقاتك وأهلك مشغولين عنك...وأنت لحالك وبدك من الله شي جلسة صفا مع ناس ظراف ونفس أركيلة ..وهيك...ولكن ما عم تظبط هالشغلة معك

.....
.....

شو ممكن الملل يدفعك لانك تساوي.؟؟؟!!!
..
بصراحة انا هيك صار معي مبارح لما فقعت وما عدت عرفت شو اعمل وتقطعت فيي السبل
قمت غليت ركوة قهوة وقعدت صرت أدرس
أي والله شو فيها .... يعني الدرس مفيد بلكي هيك الله بيرضى عني وفي يوم من الايام بتخرج
عنجد الدرس احيانا بيكون منفذ\ شباك\ باب\........مو هيك؟؟؟ .......هيك.
طيب هون بلش الجد بالموضوع :
انو وقت الفراغ اللي من المفترض انو يكون نعمة هوي لمعظم شبابنا نقمة
لانو كتير من الطاقات الكامنة اللي عم تنهدر وعم تخبو و تتلاشى مع مرور الوقت
الحق عالشخص نفسو وللا الحق على اهلو وللا عالحكومة...هيك انا ما بعرف لكل حالة حيثياتها
هلق مو بس الخوف من الطاقات اللي ماحدا عم يستفيد منها لا البلد ولا الانسان نفسه
لاء الاخطر من هيك انو الوقت الفاضي والملل القاتل بياكل من شخصية الانسان
وممكن انو يأدي لانو الشخص يتوجه توجهات سيئة ........
وفهمكون كفاية
وللا شو رئيكون انتو؟!.