[Danito]

1- فتاة صارحتك انها تحبك ,, ما ردة فعلك .. ؟

بيهبط قلبي بين أجريي و بصير أرجف.. و بعدين بفكر أنا عم تضحك عليي مين هي عميا القلب اللي بدا تطلع فيني؟؟؟؟؟؟ بس إذا كان عن جد يافرحة قلبي

2- انت معجب بفتاة ,, لكنها ليست من صديقاتك او من داخل دائرتك ,, كيف تتقرب منها .. ؟
غالباً بضل حوص و لوص و أطلع و بعدين لما بطلع بالقفشة .. بلملم جراح قلبي و بمشي بكرامتي..

3- انت معجب بفتاة ,, لكنك تعلم انها معجبة بشخص اخر ,, ما موقفك .. ؟
طبيعي .. ما هي دائما ً الحالة.. بتمنالا السعادة و بحاول إنساها..

4- انت معجب بفتاة ,, ولديك شعور انها معجبة بك ,,ما موقفك .. ؟
البعيد عنكم حمار بهالمواضيع.. من تجاربي السابقة: بنبسط .. بس ما دامو شعور جواتي .. بخاف كون عم أضحك على حالي .. مثل العادة بضل قريب منا ليجي الشاب المثالي أبو عيون جريئة و ياخذها على فرسه الأبيض .. طبعاً بها الأثناء بكون أنا بيت السر اللي عم يسمع القصة و يحس قلبو عمينشرط لقطع صغيرة و برجع للواقع أكيد كنت عم أضحك على حالي لا عاجبا و لا شي..

5- انت مع فتاة في حالة حب ,, لكنك تحس انها باردة ,, ما موقفك .. ؟
باردة ؟ كيف يعني .. ما جربتا لسا لا باردة و لا ساخنة..

6- انت مع فتاة في حالة حب ,, لكن اهلك غير مقتنعين بها ,, ما موقفك .. ؟
هو شوفو أهلي على عيني و راسي.. ممكن البنت ما تعجبون هادا رأيون و هني أحرار بس أنا في حالة حب .. هي حالة حب يعني أذا صارت أي ما في شي بيأثر عليها...و لا شي

7- انت مع فتاة في حالة حب ,, لكن مع اكتشافك اكثر لها اكتشفت انها لا تناسبك ,, على الرغم من انها تحبك ,, ما موقفك .. ؟
بتصوري أنو بس كون في حالة حب مع فتاة .. كل شي منا راح يكون مناسب و حلو.... يعني بدون ما حس رح أتكيف معها و مع عاداتا .. أنا طبعي مساير.. قولو عني انهزامي.. بس يعني بتصور بس هزمك الحب.. أي شي ممكن يهزمك بسبيلو...

واجهتك حالة لم تذكر ,, اذكرها لنفكر سويا بها
الحب من طرفين؟؟ هل هو موجود؟؟ يعني ممكن في حالات متطرفة و لكن بشكل عام ما شفتلوا أثر و لا دليل؟؟؟