لحظة شباب يعني هادا وابل من الأسئلة المحرجة
بس لعيونكن رح جاوب لحظة بس لأنو أنا صرلي شي اربع أيام ماداخل على النت يعني انشغالات يعني لا تأخزوني جد و هي إجاباتي على كل الاسئلة لكونو بليتوني أنا أول ضحية ما شي الحال يا حسام
السؤال الأول يلي بليت حالي في انا و هو إذا قالولك اتمنى تلات امنيات لنحققلك إياهن شو بتتمنى؟ :
أول ما بتمناه هوي حصولي على مجموع عالي بالبكالوريا يضمنلي الدخول لفرع مرتب
تاني شي صير لاعب كرة سلة مرتب يعني من المشهورين
تالت شي عيش حياة سعيدة مع الفتاة لبحبها بعيد عن العناء يعني حياة ترفيه
السؤال التاني من الأخ architecturer و هوي كام مرا حبيت بحياتك
و هو لساني صغير هلء يعني لسى مالحقت حب أكثر من مرة
يعني الصراحة أنا حبيت مرة وحدة و هلء في بنت بحياتي يعني فينك تقول عشقان(هي المرة الأولى)
السؤال التالت من الأخ mhmary و هوي سؤالي كام مرة أكلتا بخعة أو شي كف من بنت
و الله هي بصراحة ما صارت معي و لا مرة الحمد لله يعني بركي مع الزمن مناكلنا شي بخعة
السؤال الرابع من الأخت julia هوي مين أكتر انسان بتحبه بها الدنيا
و الله هي أمي لأنها لها الفضل الأكبر في حياتي كلها
السؤال الرابع من الأخت Marygold هوي شو أكتر شي بحياتك خليك تتعلم درس ما تنساه بعمرك؟؟
و الله بصراحة ما صار معي موقف هيك بارز صار عبرة لي بحياتي
السؤال الخامس من الأخت nana هوي شو هو اكتر موقف محرج انحطيت فيه بحياتك؟؟
أنو مرة كان عنا حصة عربي في المدرسة و كان عنا تسميع درس الأدب أم حضرة الأستاذ اختارني إلي
بس الحلو أنو أنا كنت حافظ منيح بس وقت طلعت على التسميع طرح الأستاذ سؤال أم جاوبت
على سؤال تاني يعني سؤال بدل سؤال (غباء مني) و هيك طلاب الصف ضحكو علي بمعنا أني كنت
بموقف لا احسد عليه أبداً
السؤال السادس من الأخت ranran هوي برأيك شو اللي بميز الشاب و شو اللي بميز الصيية؟؟
الشاب : الشخصية القوية / الجراءة / الذكاء / الصدق / الوفاء / الاحترام / الاستقلالية / الثقافة
الصبية : مسحة من الخجل / الذكاء / اللطف / قوة الشخصية / الاستقلالية / الثقافة / و طبعاً كمان الجمال
السؤال السابع من الأخ joe هوي اذا جيت عم ترمي محرمة وحدة بالزبالة بالشارع... قامت وقعت على الارض.. و ما مهم اذا بحارتك او في ناس لما لاء... و مانك مستعجل كتير.. نص نص.. بتشيلا و بتحطا بالزبالة لما خيرا بغيرا؟
هههههههههه هاد اسهل سؤال بتلقاه يعني سؤال خفيف و نضيف و ما بدو شغل كتييير
و جوابه أكيد بقول خيرا بغيرا
و هي جاوبنا على الأسئلة كلها و باتمنى أنو ما تأخزونى يعني تأخرت بالرد بس اليوم لدخلت على النت و شفت هالكم الهائل من الأسئلة
بس شوووو أجوبتي مرتبة موو هييك بطل
هههه
و هلء يا شباب أجا دوري بالإنتقام يعني أكيد عرفتوا دور مين دور drhus
هات لنشوف حسام جاوب لقلك جاوب
و أنا رح بلش بالأسئلة :
إذا كنت مزعوج من موقف ما ومتضايق وبدك تفش قهرك لمين بتشكي همك ؟؟؟
يلا شباب تابعو بالاسئلة .......... و هات لنشوف أخ حسام جاوب لألك جاوب
