[ملك الهكرز]

هلأ سؤالي موجّه لملك ...
ع فرض انــو شبّهنا المنتدى بالشارع .. متل مو الشارع الو ضوابط وكذلك المنتدى الو ... يعني الشغلة مو فلتانة !!
مثلاً وقت اللي بتصير خناقة " زعران " بالشارع .. بالاخير ما رح تنفض القصة ؟ ما رح يتدخل حدا ويرجّع الامور لمسارها الطبيعي ؟؟ مو يمكن حدا من هالعامّة يتصل بالشرطة لتجي تحل المشكلة وهيي بتبقى بتقدّر شو الجزاء ؟؟ .... مو نفس الشي بيصير هون - بقصد بالمنتدى - ؟!؟ يعني انت قلت مثال الصور اللي نزلت باخوية .. هالشغلة ومع انها صارت خارج ارادتنا من شخص مسجّل جديد وما بيعرف شو الجو .. وبيجوز جاية من منتدى بيسمح بهالشي او بيعتبرو عادي ... المهم .. انو وقت اللي صارت هالشغلة رد الفعل الطبيعي شو كان ؟؟ انو انحذف الموضوع بمجرّد ما عرفت الادارة + استهجان الكل لهالفعل ... هل كان فينا نمنع هالحدث من انو يصير ؟ لاء لانو مافي تتوقع كل شخص شو بدو يعمل.. لك نفس الشي بالشارع !! ايام بتكون ماشي عين الله عليك، فجأة بيجيك شخص بيزت كلمة الله مولاها .. هل كان فيك تمنعو ؟؟ لاء ... فإذن ؟؟
معلش خليني قول مثال اخت فلان ( ما بدنا نخصص منعاً للمشاكل )
اي المهم .. ع فرض اخت فلان ماشية بالشارع .. وبما انّــو مالك سلطة ع لبس الناس وطريقة حكيون .. بتقوم هالبنت بتسمع شي كلمة بتدايق من شخص .. او شافت شي منظر لوحدة من هدينك الناس .. بهالحالة .. لو عرف اخوها انو شافت هالشوفة او سمعت هيك كلمة .. هل رح يمنعها تطلع من البيت حفظاً لالها من التعرض لهيك امور ؟؟
بريتم الحياة الحالي ... هيك شغلات احتمالية تعرّضك الها اكبر بكتير من احتمالية تجنّبها .. يعني مو شرط يكون الشارع هو المشبوه او المو موثوق .. ممكن كتير انو يكون هالشي صاير بمول وحواليك 100 شخص من ضمنون اهلك ...

حكيك ع العين والراس

انا معك انو المنتدى الو ضوابطو بس بيختلف عن الشارع بشغلة يعني
فرضا شارع المالكي شو بيفرق عن شارع 30 (الحجر الاسود) !!!

خلينا نحط صورة تانية الشوارع السورية ما بتفرق عن شوارع السعودية ما بتفرق عن الشوارع الكندية !!!

يعني كل واحد او عيشتو والو عاداتو والو تقاليدو يعني ما بيستغرب شو عم يصير بالشارع لانو متعود عليها واخد حزرو منها

يعني اد ما صار بالشارع السوري اقل من يلي عم يصير هون طبعا بختلاف الشوارع لانو هون مجتمع كامل مفتوح لأي شي

اما المنتدى خلينا نشبهو للشارع بس الفرق بينو وبين الشارع السوري انو الو مفارق ع كل شوارع العالم وثقافات العالم ومتل ما انتي التي يلي حط الصور بيجوز تكون عادية عندو بس عند غير مو عادية ومن هون ليتخذ الاجراء الازم بيكون يلي ضرب ضرب ويلي هرب هرب

يعني بعمرك بيجوز ما تشوفي عنا واحد ماسك حبيبتو وعم يبوسها قدام العلم
اما فرضا بكندا فهي الشغلة عادية وبيجوز تتطور اكتر من هيك وبالشارع كمان بس هنن هيك متعودين

بالسعودية بالصدفة لتشوفي وحدة ماشية بالطريق مو محجبة سبور بس بسوريا عادية
وصلة الفكرة ؟؟

اي شو من شان شوي تانية رح نصير مهندسين شوارع