[القلب المنادي]

كاتب النص الأصلي : نيرفانا

اي القلب المنادي انا بعرف انو في عجئة أحيانا بس هاد بيكون وئت طلعة طلاب الجامعة ع الغدا هي اكتر ساعة فيها عجئة بس قياساً مع عجئة الشام و بيروت ما فينا نسميها عجئة.........بعدين وضع البنات هيك بالأردن من وئت ما صار في حي للأمريكيين ولاحظي إنو أغلب مطاعم الأردن امريكية يعني في تأثر كبير فيهن وبالنسبة لقوانين السير في إلتزام من السائقين بحكم إنو عقوبة المخالفة كبيرة وأحياناً بتوصل للسجن وما في رشاوي
أما الناس المحافظين ما بتشوفوهن هاد طبيعي لأنو المناطق يللي موجودين فيها هدول الناس بتنتهي الحياة فيها من الساعة ستة مساءً لأنها بعيدة عن مركز المدينةهاد ما عدا يللي عندو سيارة.
بعدين ما كنت بعرفك حتى إلك إني طالعة ع الأردن. يلا جهزي حالك قريباً طالعة بجلالة أدري لعندكن

اي والله معك حق عندكن بالشام العجئة غير شكل بتضل طول الوقت من الساعة 6 الصبح للساعة 6 الصبح
اي شايفة وهلأ كل شي في عمان عم بجددو وعم يعملو كتير اشياء حلوة يعني كمان شي 3 سنين بتنقلب عمان قلب اي والله هلأ عم يبنو ابراج وهيك اشياء بتجنن طبعا غير المشروع الي بالعقبة
اي كمان عنا في التزام بقوانين السير بس مش بزيادة انا هيك بلاحظ ما بعرف؟
واااااااااااااااااااو عنجد جاية على الاردن طيب ايمتى؟؟ وليش في حدا الك عنا بالاردن؟؟
اي وصحيح شو هالتواضع هاد اي والله ما كنت عارفتك متواضعة بهالشكل....
تحياتي القلب المنادي