[chefadi]

كاتب النص الأصلي : rammstein

يا جماعة معلش خلينا نكون صريحيين شوي..........
بعد قراءتي لمشاركات المؤيديين والمعارضين بهالمنتدى لاحظت بعض الامور الي غايبة عن ذهن البعض ولح ذكره فيها,,,,,,,,,
يا جماعة نحنا اهل الشام ما منقدر نعيش خارجها لانها مغروسة فينا...يمكن تشوفو حكيي غريب شوي بس انا جربته...انا عشت ببلد عربي خمس سنين للدراسة واثناء هالفترة اكتشفت انو :
مهما مر على هالبلد من حرمية ومهما نهبو من خيراتها....
مهما كان فيها فساد ورشوة وواسطة ومحسوبيات........
مهما كانت شوارعها ديقة وبيوتها عتيقة.......
بتضل هي الشام الي منحبها...وبتضل مية الفيجة اطيب من مية الجنة.......
عرفوا انو وقت بتكون خارج بلدك بتكون غريب مهما كان معك مصاري ومهما كنت قوي بتضل ضعيف براتها وبتحس حالك غريب......
وطالما انت سوري قيمتك من قيمتها...ووقت يطلع فيك الغريب ما بيشوفك لا مسيحي ولا مسلم....... لا شيعي ولا سني...... لا مؤيد ولا معارض.......بيشوفك سوري وبس فقيمتك من قيمتها....
مشان هيك نحنا دورنا نورجي الوجه الحضاري لهالبلد ونزيد بعمارها مو بخرابها......
مو لازم نضل نسب ونورجي الدنيا كلها سيئاتنا؟؟؟؟؟؟؟؟؟؟
ما نترك طريق محفر مانحكي عنو؟؟؟؟؟شرطي حرامي؟؟؟؟؟مسؤول فاسد؟؟؟؟؟زبالة بلدنا؟؟؟؟؟؟شو ورجينا العالم وشو استفدنا؟؟؟؟؟
اما اذا اظهرنا الوجه الحضاري لهالبلد فمنكون عطينا صورة حلوة عنها....
صدقوني مالكم غيرها مؤيدين ومعارضين.............

ماحدا بيكون مبسوط وقت بيحكي عن مظاهر الفساد ببلدو و خصوصا لما هاد الحكي بيكون مابيقدر يحكي من جوا هالبلد ف بيضطر يحكي من شي مكان تاني ,,,, و بعيدا عن نظريات التخوين و العمالة هاد الحكي اكيد مو لننشر غسيلنا الوسخ قدام العالم بس لانو بيهمنا انو هالبلد (اللي متل ماقلت مزروعة بدمنا ) تكون احسن و انضف و الكرامة فيها موجودة و مصانة ,,,,,
قيمتي من قيمة بلدي برات البلد ....
و قيمتي ببلدي لاتعدو ان تكون حجر شطرنج و أخرس كمان ,,,

عجبي .... !!!

تحياتي الك