بعرف الموضوع يمكن محلو مش بالصالون ..
انقلوه ووين بتحسو انو بنتمي.. غلبتكن معي
عزيزي القارئ.. اسمح لي ان اقدم لك نفسي.. انا واعوذ بالله من كلمة انا .. اسمي حنظلة.
اسم ابي مش ضروري. امي اسمها نكبة.. واختي الصغيرة فاطمة... نمرة رجلي ما بعرف لأني
دائما حافي .. ولدت في 5 حزيران 67 .. جنسيتي .. انا مش فلسطيني مش اردني مش
كويتي مش لبناني مش مصري مش حدا... الخ انا باختصار معيش هوية ولا ناوي اتجنس ..
محسوبك انسان عربي وبس.. التقيت بالصدفة بالرسام ناجي.. كاره شغله لانه مش عارف
يرسم وشرح لي السبب .. وكيف كل ما برسم عن بلد.. السفارة بتحتج.. والارشاد والانباء
بتنذر.. بيرسم عن علتان شرحه .. قلي الناس كلها اوادم .. صارو ملايكة .. والامور مفيش احسن
من هيك.. وبهالحالة عن شو بدي ارسم بدي عيش. وناوي يشوف شغة غير هالشغلة . قلتله
انت شخص جبان وبتهرب من المعركة ووقسيت عليه بالكلام . وبعد ما طيبت خاطرو... وعرفتو
عن نفسي واني انسان عربي واعي... بعرف كل اللغات وبحكي كل اللهجات معاشر كل الناس
لمليح والعاطل والادمي والازعر كل البتاع... وقلتلو اني مستعد ارسم عنه الكاركتير كل يوم وفهمتو
اني ما بخاف من حدا غير من الله واللي بدو يزعل يروح يبلط البحر... وقلتلو عن اللي بيفكروا بالكوندشن
والسيارة وشو يطبخو اكثر ما بفكرو بفلسطين... ويا عزيزي القارئ .... انا اسف لاني طولت عليك
... وما تظن اني تعمدت هالشي عشان اعبي هالمساحة ... واني بالأصالة عن نفسي وبالنيابة
عن صديقي الرسام اشكرك على طول .... وبس..... والى اللقاء غدا.. وبتاع.........................
حنظلة!
@@ بدعم من شلة اصحاب القضية@@ ** ملاحظة صغيرة هيك عجنب.. هاي اكثر "خاطرة" بحبها بحس فيها معاني كثيير مميزة وطالعة
من صماصيم القلب.. بحس انو اللي عم يحكي هو جرح عميييييق كثير.. يمكن بتعرفوها يمكن
كانت بالاصل موجودة.. بعرفش صراحة .. بس فعلا اقروها وتمعنو فيها منيح.. وفكرو .. صدقوني راح تحسو
اللي انا بحسو كل مرة بقراها!