[عاشق من فلسطين]

يا شباب للأسف الشديد جدا جدا .. انو في كتير منكون من دعاة الاصلاح والنضال في سبيل الاصلاح .. ورغم ذلك حاطين ببالكون سلف أنو سوريا غير قادرة على النهوض ولا يمكن اصلاحها .. يعني مثلا" حمصي أنا سمعت من علي أنك بدك تأسس حركة أو حزب أو شي من هالحكي .. أنا قلتلك انو معك للدم .. بس لما بدك نكون أنت اللي على أساس المثقف والخبير وأكبر واحد فينا واللي عم تعمل على تأسيس حزب للنهوض بسوريا .. عم تكون حاطط ببالك سلف أنو سوريا ماراح تتغير وعيش يا كديش لينبت الحشيش .. فانا هون بعتذر عن الانضمام الك أو لأي شخص آخر بنفس التفكير ..
وعلى فكرة أنا كان في غصة بحلقي كنت مخبيها كتير بس هلا بدي قولها .. أنا بلوم وبحط حمل كبير على عاتق قسم كبير من المثقفين السوريين السياسيين والمعارضين لحكومة البعث .. لأنهم زرعوا في صفوفنا التشائم... ورغم انهم أرونا الحقيقة لكنهم كانوا يختمون بطريق مسدود دون طرح حلول .. وبأسئلة مفتوحة .. مما ساهم في يأس الشعب أكثر ..

أنا أسف من الجميع على هاللهجة بالحكي .. انا هون مو عم شكك بوطنية حدا او بحب حدا لسوريا أو بنيتو لخدمتها وأصلاحها .. بس اذا نحنا الفهمانين والمثقفين .. عم تظهر الانهزامية بكلامنا .. واليأس من أمكانية الاصلاح .. بقى من مين بدنا ننتظر التفاؤل ..

تحياتي للجميع ..