بسم الله الرحمن الرحيم ..
هذي سالفه صارت صدق وانا سمعت عنها .. المهم ..
كانت هناك عائله محافظه وعندهم بنت ماشاء الله عليها بنت اخلاق ومتربيه وعلى فكره كانت معلمه في احد المدارس .. في يوم من الايام جاء شاب لكي يتقدم لها يعني (يخطبها) وراح الشاب مع اهله بيتهم وكلموا اهل البنت .. بس والد البنت قالهم مو مشكله بس عطونا فرصه يومين او ثلاث نسال عن الولد قالوا له مو مشكله خذ راحتك ..
المهم راح والد البنت عند بنته وقالها بنسأل عن الولد وبنشوف اخلاقه وطبعه ..
قالت له لا يا بوي ما ابغيكم تسألون عنه انا روحي بسأل عنه انا اللي بتزوجه وانا اللي بسأل عليه قالها ابوها اوكي ..
وبعدين سارت البنت عند اخوها وقالت له ممكن تجيب لي موبايل اللي جاء يخطبني قالها اخوها اوكي والمهم جاء خطيبها البيت وشافت موبايله وياليتها ما شافت ؟؟
شافت في موبايله سوالف البلوتوث والخربطان شافت صور بنات وشافت حاط افلام خليعه في موبايله وصور نساء عريات واشياء كثيره ؟؟
بعدين قالت حق اهلها ما ابغي الولد قالوا لها ليش وقالت لهم الموضوع كذا وكذا ..
بعدين الشاب يوم عرف بالخبر استغرب قال مو معقوله تحكم علي لمجرد انها شافت موبايلي وشافت هذي السوالف في موبايلي ترفضني .. قال كل الشباب تقريبا حاطين هذي السوالف مو معناته انهم مو متربين او مو محترمين وهذي السواف ما يخصها في شخصيتي ..
بعدين حاولوا اهل الشاب واهل البنت يقنعون البنت لكي توافق لكن ماشي فائده ..
قالت لهم اللي يحط هذي السوالف في موبايله تدل على شخصيته ولو هو كان محترم وشريف ما حط هذي البلاوي في موبايله وتم (الرفض)
معقول يصير الرفض و القبول مبني على الموبايل 
الموضوع ملطوش
