[نيرفانا]

كاتب النص الأصلي : butterfly

الوضع اللي أنا فيو ؟ وطبعي وبيئتي ومحيطي ؟
دقيقة دقيقة دقيقة ما تاخديني بالزحمة وبأني بحب اللون الموف اللي عم تكتبي فيو
أنا ما كنت عم قول أنو انا ناقمة على أهلي انا قلت التالي :
أهلي بيحبوني
أهلي محبتون بشرية
البشر بيغلطو
أهلي بيغلطو
أهلي ربوني بمثالية ولا واقعية
أنا رح حاول ربي ولادي بواقعية أكتر
( بتمنى تكون وصلت الفكرة من دون تحليل لنفسيتي وبتمنى كل شخص يكتب تجربتو هوي مع أهلو وليس أسقاطاتو عليي ويسلمو )

أنا ما قصدت يللي إلتي أنا حكيت ع الحالة على إنها متل أي حالة تانية وبحب إلك إنو انا كمان تربيت على نفس الأساس هاد بس حاولت بل سعيت إني إطلع من هالشرنقة..........أنا بشوفها شرنقة ............ومعك إنو فرط حب الأهل ممكن يودي فينا لملاقاة صعوبة بمواجهة واقعنا............سوري لو أنا ما كان كلامي واضح أو بين على إنو تحليل لنفسيتك أنا ما قصدت هالشي أبداً...........وبالنسبة للأولاد وأسلوبي بتربيتهن بالمستقبل فهاد أمر صعب إني أعطي رأيي فيه لأن ببساطة وارد كتير إني إغلط غلط أهلي وتكون محبتي إلهن مفرطة وتوئعني بنفس المطب وكرر المسلسل ذاتو.....مشكورة