اقتباس:
كاتب النص الأصلي : krimbow
انا بعرف شو بيصير بعد اول صاروخ
بس انت بتعرف؟
انا يللي بعرفو، و هالشي شوفة عيني يعني ما حدا قللي، انو بيصير اكتر سعادة، و اكتر هدوء
مقابل كل واحد بتذكرلي ياه ضيع حياتو بسبب الحشيش مستعد اني اذكرلك عشرة عايشين و عين الله عليهم
|
واكيد انا كمان بعرف و في غيرنا بيعرف لانو المعرفة اكيد مو مقتصرة عليك او علي .....
و انا بدي احكيلك ياللي بعرفو ....
بدك احكيلك عن شب صديقي كان بعمر الورد وحيد لاهلو علق بهالمشكلة على بكير شوي , و كان محسبها بالاول انو مرجلة و انو هو ( تافف) و قبضاي ....
بعدين بطبيعة الحال علق العلقة الوخمة و بلش يدخل بمشاكل , ترك اهلو , بعدين ترك صحابو ( طبعا مو رفقات الشلة تبع التحشيش ), بعدين ترك رفيقتو لحد ما ترك الدنيا .....
منظر ما بنساه لاموت الساعة 3.30 وش الصبح و انا عم شيل دماغو من على الارض بعد ما دق رصاصة براسو بعد جلسة نشوة و سعادة و هدوء ( من ياللي حكيت عنه!!!! ) و انقلو على سيارة الاسعاف على صوت زعيق امه و اخواته البنات ......
بتحب احكيلك عن الشباب و البنات ياللي بتجي الشرطة و بتشيلهون بآخر الليل و هم مو واعيين على اللي عم يصير و مو عرفانين الله وين حاططهون اشبه بـ ......!!!!
احكيلك عن البنات ياللي بيتغرر فيهون بقطعة حشيش و بتنتهي القصة باغتصاب او غيرو بعد ما بيفقدو السيطرة و الوعي والادراك ( هادا هو الهدوء ياللي عم تحكي عنو ؟؟!!!!! ) .......
و هاي هي روائع الادب العالمي عن الحشيش و اكيد في متلون متايل عن المخدرات التانية ......
معلم مو بس انت ياللي شايف .....
في غيرك كمان شاف ......
لكن المشكلة هي انو انت وين كنت واقف و شو شفت !!!!!!
في البدء لم يكن اول افعال الله انتشارا نحو الخارج , , بل طي , انقباض .....
في البدء لا بد ان الله انسحب , انطوى , ميسرا بذلك ولادة العالم .....
في البدء كان الكلمة .....
مملكتي ليست من هذا العالم .....
|