سلام..
انا اريج من سخنين حابي اعرفكو على بلدي لاني بعرف انها مش حيالا بلد
وعليها القيمة فعلا يعني
.. بسم الله
سخنين مدينة بتقع بالجليل الاسفل (بقلب الجليل عرب ال 48 )
عدد سكانها بصل حوالي ال 27 الف نسمة
بعيش فيها اسلام وومسيحية وعلى اشد وفاق (يعني سلميين وودودين)
معروف عننا انا بلد وطني كثير ودايما المظاهرات اغلبها واكبرها بتصير عنا
بسنة ال 2000 خسرنا شهيدين من بلدنا.. بمظاهرة كانت ب 2- اوكتوبر
وليد ابو صالح... وعماد غنايم
ادخل الله ارواحهن الطاهرة الجنة يا رب..
بننعرف برضو بفريقنا الفتبول.. اسمو فريق اتحاد ابناء سخنين وصل للدرجة العليا (بالليجا) واستمر فيها 3 سنوات متواصلات وفاز بسنة ال 2003 بكاس دولة اسرائيل
بالفتبول اول فريق عربي بصل لهيك انجاز.. مش بس فريق.. اول اي اشي عربي بصل لهيك انجاز هون
وتلقينا تهنئة من الرئيس الراحل ياسر عرفات رحمه الله و حتى من رئيس حكومة اسرائيل وقتها اريئيل شارون
بس بطل الكابتن راح عمكابي حيفا
عكل حال يسعدلي الرب ما اطيبوو
واسا احنا بالدرجة الممتازة اللي هي بعد الدرجة العليا (اللي كنا فيها ورجعنا نزلنا
)
ومزبطيييييييييين عالاخر والحمدلله عم نفوز منيح
بس حبيت اشركو باشي هالقد عزيز على قلبي
وانا جدا جدا فخورة بكوني سخنينية ورافعة راسي
شكرا علمرور