[The morning]

كاتب النص الأصلي : LaDyInReD

بعيد الشر "ذا مورنينج"عم تنقلي..
مشتهيتك معي ... شنو الجو هون كتير حلو ...

بس قوليلي مين وقعك هالوقعة... نيرفانا

واتركي الباقي عليّ... لا خليها عليّ هالمره انا بعرف حسابي معها

الاسئلة:

*بتحبيني؟؟ ( خلي بالك من الجواب لاني رح انتحر اذا لأ )!!
مممممممممممممممممم....... بقدر استعين بصديق

*شو قصتك مع الشبابيك؟؟
قصه طويله .. بحكيلك ياها قبل النوم ... ولا قلك هلق بلخصلك ياها
وقت نيرفانا كانت بالمقلايه فتحتلها الشباك عمصراعو ......مشان روايح القلي انت بتعرفي

*ماذا تعني لك هذه الالوان واي شخص تمثل او تعبر عنه:
أصفر - تكسي
برتقالي - ما بحبو بيضرب ع عصبي
أحمر - ليدي ان رد
أبيض .......سلام
-أخضر- ........ طبيعه
اسود ..........بموت فيه

*ماذا يعني لك:
الامل : الحياه

الحب: اذا ما في تفاهم عزاب

الصداقه : انت ............... عالم تاني

الاخلاص: الامان

الاطفال : الفرح

الحياه : الامل

الوحده : الموت

الحزن: ... بصمه بتاريخ حياتي

الحقيقه : القسوه

التضحيه : ما بحب حدا يضحي من شاني .. ما كتير صحبه انا و التضحيه

الموت : الوحده

الفشل : نقطه البدايه

الحقد : ما بحبو و ما بدي اعرفو ........

المستحيل : دافع

الابتسامه : من شخص بيهمني شوف ابتسامتو العيد ...

الطلاق : طريق تالت للحب

الخجل : احيانا الشي اللي بيحجز حريتي باني كون انا

الزوجه الغيوره : محبه .... و لكن غير واثقه من حبها

العاقل :

الانسان : متاهه

*أكتر شيء تحبيه وأكتر شيء تكرهيه؟
ما عندي شي بحبو لدرجه اني ما بقدر اتخلى عنو ... بس بكتر اوقات دفتر و قلم و كتاب لجبران
اكتر شي بكرهو .... الحقد

*شو رد فعلك لو صديقك/صديقتك خانك في يوم وفجأه لقيته جايلك بدموعه يطلب منك السماح ! هل تسامحيه؟؟
برياحه ........بس ما عاد بنرجع خوش بوش متل الاول بصير في حواجز و ما بوثق بالخان اول مره لانو اللي خان مره بخون 1000 مره

*الصباح والاشراق " ذا مورنينج" نوعا ما يوحي للتفاءل والتجدد..هل انت كذلك؟ اي هل يعبر اسمك عن شخصيتك؟؟
انا بموت بالصبح و صوت فيروز... و يمكن اي بعبر شوي

*شو مواصفات رجل احلامك؟
رجل

* لو اعطوكي 3 وردات تعطيها لمين؟؟
لرفقاتي اللي ما بيتركوني وقت الزنقا
لاهلي
للاخوان هون ...

*ولو اعطوكي 3 رصاصات تقتلي بها مين؟؟
بياخدوني ع السجن بعدين
بنفس دواليب سيارات الحاره

* شو الصفة يلي بتكرهيها في نفسك؟
اني بزعل الحوليّ كتير

* من تسألي اكتر من الاخر: قلبك او عقلك؟
عقلي ..... و احساسي ..

*لو ما كنتي سورية شو كان نفسك تكوني؟؟
اكيد كنت حبيت كون من سوريا .. بس انا فهمانه عليكي مشان هيك رح سميلك بلد.....ممممم فرنسا

* شو الشغلة المجنونة يلي نفسك تعمليها..؟؟
اي شي مجنون .. بس انا هلق حابه اتعلم قفز مظلي و طبعا اهلي ما بخلوني

* لو اعطوكي ساعة فراغ واحدة..وفيها يجب ان تقعدي وتحكي مع انسان لاخر مرة. مين هو هالانسان؟ ولماذا هو بالذات؟
تشي غيفارا ... بس يعرف يحكي عربي قولتك .. اذا بيعرف انكليزي بحكي معو ما مشكله بس نقدر نتفاهم ..
و اذا ما تفاهمنا جبران .. شنو هاد بيحكي عربي و انكليزي
غيفارا لانو غيفارا و ما ادراكي ما غيفارا
جبران لانو رائع و اروع اصدقائي
*شو امنياتك من الحياة العملية والعلمية والعاطفية الحالية و المستقبلية ؟
كمل دراستي .. و نجتمع انا و رجل احلامي بس بالواقع مو بالاحلام " بس بكير هلق .. "

*شو الشي يلي بخليكي تنفصلي عن صديق او صديقة عزيزة!؟
الصدمه العاشره عاده ..................لما هنن بقررو ذلك بافعالون ..
وصارت معي هالصيفيه

* هل تؤمنى بالحب عبر الانترنت وهل يمكن ان يكون حقيقة ام وهم وتسلية من الطرفين ؟؟
لا ............ انا لا اؤمن بالحب عن طريق الانترنت و ما بحس الي الحق احكم علي بس من وجهه نظري .. هو غالبا وهم .. لانو بوصل لطريق مسدود ممكن يكون حب عنجد اي بس ما ممكن يعيش للاسف
و لاني بعتقد الحب هو اني اطلع بعيون الانسان اللي بحبو بدون حواجز اني لما شم ريحه البرفان تبعو عشخص تاني اشتقلو و حس انو قلبي وقع .. هدول التفاصيل الصغيره اللي ما بقدر عيشون ع الانترنت بيعنولي كتير

وبس...

بس ؟؟؟؟؟؟؟؟؟؟؟؟؟؟؟ لا مالك حق لسا ما صارو صفحه