مرحبا شباب وصبايا
أهلين ومية مرحبا...
عندي عده اسئله ياريت الكل يجاوب عليها بس بصدق وصراحه
أكيد هالشي ...
هلا لما الواحد يكون يراعي مشاعر الاخرين ويداريهم مع انه فاهم كل شي عم يسير حواليه بس احتراما الهم ما عم يواجههم شو بكون بنظركم ؟؟
بكون هالشخص عم يستخدم افضل الاساليب لكسب الاصدقاء وكسب قلوبهم بعتبر هالشخص انسان فاهم طريقة التعامل مع الناس وهي اصعب شغلة بالحياة ... ومتل ما قلتي احتراماً الهم ... يعني حتى لو الشخص التاني عندو بعض السلبيات ما لازم نكون نحن الاضاءة ع سلبياتو ... خلينا دايماً نكون ايجابي مع الشخص لحتى نغذي عقلو الباطني بالايجابية وهيك بعد مدة ما نكون بحاجة إلى اي مدارة ...
الطيبه شو مفهومها عندكم ؟؟
الطيبة خصلة نادرة بهالايام ... مفقودة باغلب البشر ... الطيبة بزمن كانت بجوهر الانسان بس للاسف هلأ كل طيب او طيوبة بنظر الناس بكونو عكس المعنى... وطبعاً هيك الناس تعودو واخدو فكرة غلط عن معنى الطيبة...
لما انت تحكم على شخص كم من الفتره لازم تعيش معه منشان تقدر تحكم على صفاته؟؟
بقدر احكم ع شخص من خلال محاورته مو حوار بسيط وخلص ... لاء حوار طويل جداً يعني يمكن يستغرق الامر ايام واشهر... لانو الحكم ع الشخص صعب بالوقت الحاضر ... بما يتميز هالعصر بالتقلبات السريعة بالامزجة... لهيك هالامر رح ياخد مني وقت طويل شوي... لكن ملاحظة زغيرة انو بعض الاشخاص فينا نحكم عليهم بسرعة لانهم بكونو شفافين بحوارهم وكلامهم... وانا بحب هالاشخاص مع هيك ميزة...
هل بتقدر تحكم على صفات شخص من خلال كلام الناس عنه او من خلال ما تسمعه منهم ؟؟
أبداً... كلام الناس لا بقدم ولا بيأخر ع قولة ابو وديع ... ما بحكم ع صفات شخص من خلال كلام الناس والسمع منهم... باعتبار الناس بهالوقت كلهم عم يفكروا بمصالحهم الذاتية فقط... فالحكم ع صفات شخص من خلالهم بيكون خطأ وغير صحيح...
شو صفات الانسان لازم تكون منشان يقدر يعيش بالوقت الحاضر مع اللي حواليه ؟؟
برأيي المتواضع لازم يكون قوي بالتحكم بعلاقاتو مع بقية الناس... وكمان لازم يكون صادق مع نفسو قبل غيرو...
والوقت الحاضر يا بنت الاكارم عالم متلاطم ناس اشكال وانواع ... يعني ضروري الانسان يكون مرن بالتكيف مع كل العلاقات بالاخرين...
كيف بتقدر تمميز الصادق من الكاذب بكلامه ومشاعره معك ؟؟
متل ما بقولوا حبل الكذب قصير... اكيد الكذب رح ينكشف حتى لو بعد مدة.... بس بالوقت الحاضر صعب كشف الصادق من الكاذب ... لانو ظهرت بالاسواق مساحيق بتغطي ع علامات الكذب...
يمكن اوقات بحس الانسان بداخلو انو هالشخص كذاب وبيطلع بالاخير كذاب... وكمان بالعكس اوقات بحس انو صادق وبالفعل بيطلع صادق...
وفي كتير اسئله عم فكر فيها بس هلا بيكفي هيك
ولو بنت الاكارم ... كتري من هيك اسئلة ... هيك اسئلة بنقدر من خلالها نفهم حالنا قبل ما نطلق احكامنا ع الناس...
تحياتي لكِ 
اتمنى الاجابه عليها
تمت الاجابة وشكراً لكِ
[COLOR=darkorchid]أقبح الأشياء أن يصبح كل شئ في الحياة جميل!![/COLOR]
[COLOR=darkgreen]~+++~[/COLOR]
[COLOR=darkorchid]لا تحدثني عن الحب دعني أجربه بنفسي[/COLOR]
[COLOR=darkgreen]~+++~[/COLOR]
[COLOR=darkorchid]ليس بالضرورة ما أكتبه يعكس حياتي..الشخصية[/COLOR]
[COLOR=darkorchid]هي في النهاية مجرد رؤيه لأفكاري..!![/COLOR]
[COLOR=darkgreen]~+++~
[COLOR=Blue][COLOR=DarkRed]Akhawi[/COLOR]@[/COLOR][COLOR=DarkRed]Group[/COLOR]
[/COLOR][B][COLOR=red]*♥أنا أسير قلب حبيبتي ومتشرد في هواها♥*[/COLOR][/B]