[سرسورة]

كاتب النص الأصلي : لاوديسا

اسمحولي ضيف كم تعليق من خلال قرايتي لردودكن الممتعة والواعية
بدي احكي عالفتور بعد الزواج بين الزوجين او حتى بعد انجاب الاطفال انا مو مع كلامكن الى حد ما
يعني ليش حتى نسميه فتور الشي الاكيد انو الحب ما بيضل ع حالو
يعني الحب عند التعارف غير الحب بالخطبة غيرو بعد الزواج غيرو بعد انجاب الاطفال بس بالنهاية هيدا حب بس اللي بيصير انو ترجمتو بتتغير مع تغير كل مرحلة وهيدا مانو فتور بنوب لاء ابدا بس الحب بيتطور مابيبقى متل ماآخدين عنو نحنا هالفكرة الرومانسية كتير بس متل ما قلت بالنهاية اسمو حب وبيبقى حب بس بيتلون

النقطة التانية وهيي اللي ذكرتا سرسورة عن الانجاب المبكر وبالتالي الزواج المبكر انا معا وكتير كمان طبعا ما بقصد الزواج المبكر اللي بيتداول بشكل غلط
والسبب لانو وقت الوحدة مننا بتكبر و بتوصل لسن معين ما بيعود بيعجبها شي وبتصير بتدقق كتير و بتكتر شروطا على عكس اللي بينقال انو بترضا بشو ما كان لاء ابدا ببساطة بيصير الخيار اصعب

اما منشان الانجاب المبكر عدا عن اللي قالتو سرسورة بحب ضيف شغلة انو الولد - بنت ولا صبي - بيزيد المرأة اللي بعمر التلاتين وقبل بشوي انوثة على انوثة مو العكس
المعنى بتكون بنتا او ابنا جنبها وهيي لساها بقمة شبابا واذا في ناس بيقولو انو بيأثر عليها مو صحيح يعني مو لهالدرجة

واخيرا عن جد بشكركن كلكن لانو اضافاتكن كتير حلوة

لاوديسا....كأنك قريت افكاري و ترجمتيا......هاد اللي كنت بدي قولو تمام
و بالنسبة للزواج المبكر ...انو اكيد الزواج المبكر بالنسبة الي هو اللي بيصيرلما الانثى بتكون قدرانة تتحمل فيا المسؤولية...بالنسبة للعيلة و البيت و الزوج...يعني اكيد مو هو اللي بعمر 19 او 18 او حتى 20.....يعني بحدود 23 او 24....و بالنسبة لي انا بشوف الزواج بعمر 23 مثلا مبكر........و انا بشجع هاد الشي و بشجع بالتالي الانجاب المبكر....