[لاوديسا]

كاتب النص الأصلي : فلاش باك

هلئ هادا الموضوع كتير مهم وبمس كل شخص فينا ان كان من قريب او من بعيد

شي اكيد .. وبشكرك على هالطرح

يوم بكون الزوجين عم ينتظرو مولود اول شي بقولولن الناس شو حابيب يجيكن بنت ولا صبي طبعا ذوات العقلية الحجرية والبالية فورا بقولو شو بنت ما بنت بدنا صبي بدنا فلان ابو فلان يجينا

والله انا قلت بدي بنت وهيدي رغبة زوجي

, انو الشغلة المهمة في كتر ازواج صرلن متزوجين عشرات السنين والله ماطعمن اطفال ومتمنين ظفر ولد او بنت

الله يطعمن ولا يحرمن

, يعني وفي ناس بتجي بتتجبر على خلقة رب العالمين هدول مو عرفانين انو بجوز اذا اجاهن صبي ممكن يطلع عاق او ثرثري او صاحب مشاكل او حرامي وزعوري (من ازعر ابن شوارع يعني ) او يكون طنط (مابدي استعمل كلمة تانية ) وهدول الناس وغيرن بيجين اطفال معاقين ان كان جسديا او عقليا .

اي والله هاد كلام صحيح وواقعي للاسف

هادا غير حكي الاهل والجيران والاصدقاء من الحكي يلي بسم البدن انو ياعمي مرتك ماعم تجيب غير البنات روح اسلخا جوازة تانية بركي بيجيك الصبي وطبعا في ناس بتسوي هيك شي بتروح احيانا بيجي الصبي واحيانا كمان بيجي بنات

لالا يعني هالظاهرة خفت منيح عن قبل

هلئ السؤال الاول : انو مين المسؤول عن تحديد جنس الطفل الرجل او الامرأة

الاكيد انو المسؤول عن هالامر هو الرجل
و الابحاث اثبتت هالشئ والاعلام اسم الله ماعم يقصر بطرح هالموضوع

بعدين في مقولات قديمة عف عليها الزمن بقولو : انو هم البنات للممات يعني في اسخف واسوء من هيك حكي متل ماحكيت فوق انو ممكن يكون الصبي عاق وفي كتير بنات بألف صبي متحملين مسؤلية وقد حالن

هوي في شي من هاد الحكي وانا بوافق عليه بس مو منشان الاسباب اللي بالعقول المتحجرة

السؤال التاني : انو وجود الصبي (الاخ) ضروري ولا لاء ؟

يعني مو قصة ضروري ولا لاء
بس يفضل وهيدا الشي بيحسو الواحد بس يكبر ويفضا بيت العيلة
يعني من الطرفين عم احكي يعني للصبي اخ وللبنت اخت

برجع لشغلة مهمة مشان الشب او البنت انا برأيي الخاص انو اهم شي هي التربية ان كان للبنت او للشب يعني شو بتزرع بتحصد

تماما

هلئ مما لاشك فيه انو البنت صار فيها تعمل او تشتغل يلي بدا ياه بس انو بضل في بعض الامور مافينا تسويها متل شغلات بدها قوة قلب او شغلات بدها مجهود عضلي وغيرو

صدقني بتقدر تشتغل متل الشب واكتر بكل المجالات الذهنية والعضلية يعني شوف مثلا البنات بالدول متل المانيا بتشتغل جنيناتية وعتالة وشوفيرة وما في شغلى غير اللي بتشتغلا بس المشكلة بعقلنا وانا اولن
يعني واحدتنا الشي اللي بيردها الخجل وقولت ماني مضطرة وهيدا الحكي كمان بينطبق ع شبابنا اسم الله ما بيشتغلو شو ماكان كلهن بدهن ورا مكتب بقى كيف راح نرضيها نحنا

واهم شي الخلقة التامة وكلشي بيبعتو الله منيح

اكيد

ومشان رأيي بموضوع الصبي او البنت منحكي فيه بعدين مشان نشوف شو رأيكن بالموضوع

يمكن انا اتفرعت كتير بالموضوع واتفلسفت زيادة بعتذر منكن

ابدا ما اتفرعت لانو كلو بيصب بنفس الموضوع

وناطرين رأيك انت

عن جد شكرا