شكرا للأصدقاء على التواصل مع مشكلات سوريا
رمستين صديقي انت قدمت النا أدلة واضحة على أن نظام الحكم البعثي هو نظام مجرم لأبعد الحدود!! بتعرف كيف؟؟
بتعرف انو سوريا هي آخر دولة عربية صار فيها الانترنت؟؟؟!!!! وبتعرف انو سوريا هي آخر دولة عربية صار فيها الدش والموبايل و شراء السيارات والمجلات والجرايد؟؟؟!! آآآآخر دولة! يعني نحنا بيسمونا ( الطشي )!!!
لما الناس شبعت من هل شغلات وقرفو منها .... وصلتنا!!
مع انو سوريا لازم تكون أول دولة فيها هل تقنيات يلي صارت عادية كتييييييير ...
وتعال حبيبي ورجيني لمين شركات الانترنت والسيارات والموبايل؟؟؟ لمين؟؟؟ غير للكلاب الحرامية السرسرية شلة النصب والاحتيال ، فئة الضلالية... هلأ هاد بتعتبروا تطور؟؟؟؟؟!!!!!!!
وبعدين خلينا نحكي عن القوانين يلي بتحكيلنا عنها ... في قانون فاد الشعب بشكل مباشر مرة ومافاد المسؤولين والمخابراتية وجماعة الفساد ورئيسهم ... ميت مرة؟؟؟!!!!؟؟!؟!؟
يعني شكليا في تعديلات للقوانين - ما في قوانين - وشكليا عم بيقولوا هل قوانين عم بتفيد الناس ، بس كلنا شايفين انو هل قوانين ما فادت حدا الا الحرامي... صار حرامي بمباركة رسمية وقانونية ، والفقير مات وانسحق وصار يشتغل على بواب السفارات الاجنبية!
بعدين موضوع زيادة الرواتب ... شكلك حبيبي مو عايش بيسوريا بنووووب...
والله صحيح زادت الرواتب ثلاث مرات ... بس بنفس الوقت زادت الاسعار مئة مرة... يعني هلأ يلي راتبو 10 تالاف ليرة سورية كييف يا جماعة بيقدر يعيش هاد كييييف؟؟؟؟؟ فهموني يا عالم يا هووو كيييييييييف؟؟؟؟؟؟؟
حبيبي وصاحبي رمستين قبل ما نحكي صار عندنا تطور ... خلينا نعرف موقعنا من هل تطور ، شو استفاد الشعب المسحوق من هل تطور... وأنا شخصيا شايف انو في تراجع أكثر من أول بغض النظر عن دعايات العملاء والخونة فئة اللصوص : حزب البعث ورئيسهم الغير شرعي.
( هل يستوي الذين يعلمون والذين لا يعلمون )
|