مسا الورد
يمكن الموضوع قديم و كلكن بتعرفوه, بس هاد عن أعضاء منتدانا العزيز , كيف كل واحد ممكن يجاوب على ها السؤال الصغير, كيف عبرت الدجاجة الطريق, بطريقة كوميدية, على كل بمون مهيك
و بعتذر من الاعضاء الجدد بس ما كتير متابعهن ها الكام يوم .
Joe : بما أنو الجاجة أجت أول شي, فها الجاجة عم تمارس حريتها بعبور الطريق إلى الديمقراطية الموجودة بأميركا, أصلا الجاج بأميركا على طول شبعان و بيعمل اللي بدوا ياه.
عاشق من فلسطين : ربما كانت تبحث عن وطن ضائع في حبة قمح منسية على رصيف بلادي.
Yass : الديمقراطية بتقول أنو ما من حق ها الجاجة تحتكر عبور الطريق لحالها غير عن باقي الجاجات, و أنا بطالب بإطلاق سراح جميع الجاجات المعتقلة لأسباب عبور الطريق.
saeed : ها الجاجة كتير حلوة و ظريفة, و انا بشوف كلشي بها الدنيا حلو, و الله يعطي كل الجاجات العافية على عبورها الطريق, و مرة أخيرة , شكرا للجاج.
Hasht Nasht : حسب الراوي أبو نهلة الزمخشري, فها الجاجة تتبع طائفة الحشت نشتية للجاج المشوي, اللي عبرت الطريق من مليون سنة قبل شوي , و رايحين يدوروا على رباط البوط ليصلحوا الغسالة اللي بتطير تحت الأرض , إذا كان غدانا معكرونة.
Nana : أصلا أنا ما بطيق و أكره شغلة عليي هيدول الجاج اللي بيعبروا الطريق
Fares : ذكرتني ها الجاجة بقصة قصيرة لزكريا تامر عنوانا ( جاجة بلا طريق) بكرا بحكيلكن ياها.
Dimozi : إن كتائب الشهيد ديموزي تعلن أنها رصدت تحركات الدجاجة المشبوهة أثناء عبورها الطريق , و اتصالها بقوات حزب المشرفين المعادية , و نتوعد إخواننا بالأنتقام , و مية خسة
King Roro : هاي الجاجة جاي لتنور الأخوية , و بقلها أهلا و سهلا فيكي يا سنيورة , و روحي القلب داعيلك
حلاق : هلاء أنت فاضي و راضي , مبسوط بحالك على ها السؤال ؟؟؟؟؟ حلااااااااااااااااااااااا اااااااااااااااااااااق
Philip : و الله و أحلا جاجة , و الوسوف كتير غنى للجاج , و رح نزلكن بالصالون آخر صور الجاجة و هيي عم تعبر الطريق .
جينو : شو أستاذ فيليب مبين عينك على الجاجة الرايحة و الجاجة اللي جاي على ها الطريق
, كيفك عبورة
عبير : كتر خير ها الجاجة اللي عبرت الطريق منشان تسلمي عليي ست جينو, كيفك أنتي ؟؟
Minime : ها الجاجة هربانة من اضطهاد المشرفين اللي عم يعانيه الجاج بمنتديات موزمبيق
Geeny : هل سأعبر الطريق كما عبرت الدجاجة؟؟ هل سألملم جراج نفسي من دوامة الضياع السرمدي ؟؟!! لقد كنت معها بالروح حين عبرت في جميع مغامراتها و جنون أيامها السوداء الغارق بالضياع .
Dr_Hus : الله الله يا شباب لما كننا شباب شو كان الجاج على أيامنا يعبر الطريق ههههههههههههههههه تسالي يا مان, هلاء جد أنا بشوف أنو الجاج كلو لازم ينحرق حرق و نبلش من جديد
شوكوزولو : ما كانت الدجاجة لتعبر الطريق لو لم يكن معطى لها من فوق , و أنا مع الحكيم مية بالمية .
حسون : أنا حسون من حزب العمل بقول أنو الجاج القادم سوف يسحق جنود الديكتاتورية جميعا في الجحيم
سامر الخالد : يا مسكينة لوين رايحة, لك هاد المنتدى مسيحي متصهين , والله بياكلوكي لحم و بيرموكي عضم
أبو زياد : رايحة تغنيلي بودعك
كاكابودا : عاملتلها شي ضرب تحشيش , أحلى حشيش و أحلى جاج محشش
قطرميز زيتون : هاي الجاجة غبية , و لو كانت باليابان ما كانت عبرت الطريق لحالها , كان أجا الروبوت و خلاها تعبر بدون ما تتعب , صدمتني
تحياتي الخضراء
يا عبد متى رأيتني في الضدين رؤية واحدة, اصطفيتك لنفسي.