[التصحيح]

افففففففففف يالطيف تاريك عبقري ولازم يحطوك على لوائح المكتشفين والله العنوان يلي حاطوا شي كبير يلي بيقراه بيقول قربت!!!!!!!!!!!!!!!!

في ناس بيحبو النبش.... قصة يمكن إلها مئات السنين والله ينور على قلبك وعلى قلب يلي صفن هديك الصفنة..... يمكن ضاربلو بورية..... أو حابب يقولو عنو شي فطحل بالعلم واكتشاف المؤامرات التي تم إحاكتها على المسلمين في العصور الغابرة وصح النوم كشفها اليوم ...

لك هادا يلي ناقصنا لندافع عن ديننا ومن هون الخطر المحدق بالإسلام وماعاد شفنا إلا لعب اللولاد الصغار

الله ينور بصيرتنا ونعرف وين مشكلتنا الحقيقية..

الإسلام دين الله مبني على العلم والمنطق مو على الأوهام والخرافات يعني بالمشرمحي كل هالقصص يلي بتسمعها مابتزيد بالإسلام إلا ثبات
ليش : لأنو بيخلي يلي بيسمع هيك حكي إن كان صاحب فكر وعندو رغبة بالمعرفة بيدور عالحقيقة وبيكتشف أديش دين الله مبني عالعلم مشان هيك عم نشوف كتير ناس عم تدخل بهالدين بعد هالمهاترات يلي بيتهم فيها الإسلام ومابيكون سببها إلاّ من يلي حامل اسم الإسلام بس مو ماشي عليه لأنو مو فهمان منو إلا شوية حركات وكم كلمة حافظهن من صغرو وياترى صح ولاّ غلط الله أعلم

الله يهدي الجميع والسلام