اقتباس:
|
كاتب النص الأصلي : yass
اقتباس:
|
ثم كيف يعني تعليم مجاني بدون استغلال؟ هل تقوم أميركا بتشغيل طلاب المدارس العامة بالسخرة مثلا؟ الرجاء التوضيح؟؟؟ هل المنحة الدراسية استغلال ام تحفيز؟؟
|
المنحة الدراسية الجامعية في الولايات المتحدة استغلال ............. وهالكلام موجايبو من عندي , حكي زملاءي الامريكان هون .
الاقساط الجامعية بالجامعات الاميريكية عالية جداااا ........ في نظام منح للرياضيين وكذا , بس خلينا واقعيين , اذا شب من الطبقة الوسطى بأمريكا بدو يدرس طب مثلا.... القسط بأرخص جامعة لا يقل عن 25000 دولار سنويا............ اي بحياتو ما بيحلم يدرس
اللي بيصير أنو بس هالشب يخلص ثانوي يجيه ضابط عالبيت, هيك زيارة...يعرض عليه الخدمة لمدة كذا سنة, و الجيش بيدفعلو الجامعة الفلانية, فرضا 3 سنين بندفعلك الجامعة الفلانية , خمس سنين بندفعلك جامعة أحسن...................و هيك !!! هاد شو اسمو؟؟
و انت لاحظ اعمار أغلب الجنود في العراق  |
شريك ككلمة أولى يمكن مشان هيك الأطباء المتخرجين من أميركا و الدول الغربية شكل.. و الاطباء المتخرجين من الدول الشيوعية بأوروبا الشرقية شكل... و هادا شي معروف و ما في داعي يتخبى... معروفة كيف بتنباع المواد و الشهاداة بالدول الشيوعية.... أنت مين بتفضل يشرف عليك لا سمح الله دكتور متخرج من أميركا و لا دكتور منخرج من دول شيوعية ؟؟(عم احكي حتى على أيام العز من شي عشرين سنة مو عن هلأ... هلأ الوضع مفروغ منه)
مان مستحيل تقنعني انو دولة بتقدر تقدم كل شيء ببلاش بدون مقابل... ما في شي مجاني مان
في عندك طريقتين الدولة فيها تصرف مصاري على الشعب ببرامجها الخيرية و الإجتماعية و المجانية
-تصادر الحريات العامة و الملكية الخاصة و تصير هي مالكة كل شيء بالبلد و تسطير على كل التجارات و و و
- تبلش تطبع مصاري من البنك المركزي بجنون و بعد سنة بصير عندك تضخم اسعار بنسبة فوق الخمسين بالمية بالشهر
ما في حل تالت
الشغلة مانا سحر شريك
معروف تماما كيف الإقتصاد بيمشي... يا بتخسر ملكيتك الخاصة و أي فرصة انك تصير غني و تستفيد من قدراتك الحقيقة و مهارتك و ذكائك... او استعد لمواجهة تقلب الأسعار و خربان البلد اقتصاديا (روسيا) بينما الحكام المسيطرين على كل موراد الدولة مبسطوين و لابسين فرو بالقصور
صح في برامج بتدخل فيها على الجيش و الجيش بيتولى تعليمك حتى بكندا و كندا نص اشتراكية
بس كمان في نظام المنح الدراسية للشاطرين... و الطالب الشاطر فعلا فعلا بتكون علاماته عالية و بيتقاتلوا عليه جامعات الطب بأميركا و يمكن يدرس ببلاش... مشان هيك ما يصير دكتور بأميركا إلا أحسن و أشطر ناس
ما في عندك توزيع مقاعد طلابية للجميع هيك على العميانة... من وين لكن بيجي الإنتاج و الإبداع... من الإختصاص... لما الدولة تكون عرفانة تستغل الموارد البشرية بأفضل طريقة... مو تعامل الكل متل بعض... الجحش الما دارس كلمة بحياتو و العبقري
ثم بأميركا كمان في نظام ال college و هادا بيدخله الطالب لمدة 4 سنين بدل الجامعة و بعدين بيدخل على الجامعة.. لانو أرخص بكتير و نفس الشي
سلامات
ذكرى مرور عام على وفاة الأديب العالمي سيبيري ماسكوليه 1932 - 2008