[oliver68]

كاتب النص الأصلي : haedoora

والله يا شريك في كتير رموز للفساد ما بئلك لاء معك حق بس انا قريت اكتر من مقال عالموضوع هاد على فكرة بلشوا بكم واحد والخير لقدام وانشاء الله بترجع بلدي وبلدك رائعة وبضل صخرة صمود

اما رامي مخلوف فيا شريك خلينا نحكي عن سوريا ونترك رامي مخلوف انا اذا بدك بعطيك اسماء اكتر انا ماني مغمض عيوني عالواقع وعلى يللي عم يصير
بس يا شريك الله يعين الدكتور يا زلمة ضغط من برا ومن جوا انا بحب بشار الاسد وبشوف انو عم يشتغل لبلدنا هلأ انت بتخالفني الرأي اكيد بس المهم انو النتيجة انا وانت بدنا بلدنا تكون صخرة دفاع بوجه الطامعين

وتسلم على رأيك يا غالي ولو اختلفنا بالرأي بس انت فيك المعزة والشرف والحب لسوريا المقدار يللي بيجعلك من اصحاب الضمائر القليلة يللي بتخاف على بلدها وان اختلفنا بالوساءل والافكار

وحكيك انا بعتز فيه وبسمعوا للاخر
وشكر للكل

معلم بشكر اعتزازك فيني، و أنا كمان ببادلك نفس الشعور، و أمنيتي إنو بلدي تعيش بحرية و مين ما كان الرئيس، و أنا ما عندي كره شخصي لبشار، بالعكس أنا لما بشوفو عميشتغل لصالح البلد رح كون أول واحد بوقف جنبو، بس لحد هل ماعمشوف غير التغيير القشري، يعني مافي شي باللب أو الصميم، كل التغيير عبارة عن قشور ولا تفيد الشعب المعتر، يعني من إيقاف الإفراج عن ميشيل كيلو، للاعتقالات التعسفية...الخ، رغم هالاختلاف يللي بيني و بينك، بتجمعنا رؤية واحدة لسوريا المحررة من الدكتاتورية و المتنعمة بخيراتها الوفيرة. و ما بهمنا غير إنو تكون إرادة الشعب حرة، و يحق للمواطن إنو يعبر عن رأيو شو ماكان.