[oliver68]

يعني الموضوع كتير حلو، و ردود وائل و لاوديسا و أمثالن عنجد بتبشر بالخير، بالرغم من وجود بعض الردود العنصرية من بعض الأعضاء، يللي بتعكر الجو الحلو للموضوع.
هلأ مشان فكرة الموضوع أنا متاكد تماما إنو للأسف مافي ولا شيخ في الفضائيات العربية بطبق الدين صح، كلن فين نوع من التطرف و العنصرية، و بصراحة القنوات الدينية يللي عمتطلع الهدف منها مادي بحت، يعني مو مستبعد يكون الممول لشي قناة إسلامية واحد مسيحي، أو الممول لشي قناة مسيحية واحد مسلم، هي تجارة و التجارة شطارة متل ما بقولوا،و أكتر قناة دينية بكرهها هي المجد، لأن عنجد بتدعي للتطرف بشكل غير مباشر، تخيلوا إنو موسيقى ما بحطوا؟؟؟؟؟ آل بيعتبروها حراااااااااااام ، و لك حتى بمسلسلات الأطفال مافي موسيقى!!!!!!!!! فتخيلوا كيف رح يكون الجيل المتربي على هيك قناة؟؟؟؟؟؟؟
القنوات الدينية-سواء حطت موسيقى أو ما حطت - هدفها مااااااااادي بحت، لا هدفها تنشر الأديان ولا غيرو، هدفها إنو تستقطب أكبر عدد من المتفرجين و الجمهور، من خلال بث برامج تؤيد وجهة نظر الفئة يللي بدهن يستقطبوها.
منرجع للشيوخ يللي حبيت تشبيه فتواهن بيللي عميقطف الورد، فعلا هيك اللي صاير، الإفتاءات على أبو موزة، و رجال الدين(شيخ و قساوسة....) نازلين غسيل دماغ بهالشعب، و كأنو بدن يعملوا حرب أهلية و طائفية.
و مشان موضوع العلمانية، شوفوا أغلب الدول الأوروبية و أميركا و كندا، دول مو علمانية، دول مسيحية بحتة، يعني بطبق فكرة لاوديسا، ما بتحكم عالأفراد من خلال الدين، بس بالمقابل عندن الأعياد المسيحية عطلة رسمية، بينما غير أديان ما في عطلة رسمية، و هي دليل على إنهن دول مسيحية مو علمانية، مو يعني إنو إزا عملوا هيك غلط، بس على الأقل في عدل بالمعاملة بين الناس، ومافي تسرع أو حكم مسبق.
آسف عالإطالة، و بتمنى تكون وصلت وجهة نظري صح.