[ننومة]

و الله من ناحية اللهجة، أنا شخصيا شايفه أنه أجاد و أبدع، أنا عارفة بقول إيه لأنى مصرية و ليا قرايب صعايدة. دا فيه ممثلين مصريين ميعرفوش يتكلموا صعيدى كده. دا كان و لا إللى إتربى و عاش فى الصعيد الجوانى. و بعدين الممثلين و النقاد هما اللى عملوا من الحبة قبة و كان فيه شوية غيرة فنية، أما بالنسبة للجمهور و أنا واحدة منهم فكلهم حبوا الأستاذ جمال فى دور مندور و تابعوا المسلسل أكتر من أى مسلسل تانى و التعليق اللى إتكرر سماعه هو: "إحنا أول مرة نحب الشر كده". أستاذ جمال موضع نقدير و حب و احترام من الجمهور المصرى و بصراحة هما دول المهمين لأن العمل بيتقدم ليهم هما.
مش مهم الجنسية المهم الإحكام فى تقديم الشخصية و الإقناع بيها و بس. و الفن الجيد لا وطن له و فى النهاية كلنا، العرب، واحد.
الأستاذ جمال سليمان مبدع و ممثل قوى جدا بارع فى تقمص الشخصية و تشربها، فعلا موهبة لا تقل عن آل باتشينو.