[سهرت الليل]

كاتب النص الأصلي : Mr.Mad

مرحبا يا شعب

بدي قلكون شغلة بس

أنا كنت على ما اعتقد أكتر إنسان بيحب جورج وسوف بالعالم ( للمبالغة )
المهم كان عندي هوس فيه و أتابعه بشكل مو معقول و ما عندي لا عالموبايل ولا عالكومبيوتر أغاني إلا إله

و كنت أتابع كل شي عنه و فجأة بشوف مقطع فيدو أكيد الي بحبوه وصلون المقطع ( تبع مشتى الحلو )

كان واقف عالبلكون تبع بيته و نازل سب بهالعالم و كلام طالع نازل ( على يا حمار و يا جحش ) [ لا تواخذونا بس هيك المقطع ]
ملاحظة : مقطع الفيدو موجود عندي للي ما عنده ياه

و بعد فترة كمان بيصولني خبر من ناس و مصدر موثوق جداً جداً أنو كان بالفيلا تبعه بكفرون و الساعة 4 وش الصبح بتطق براسه و بيقول للبادي جارد تبعه يطلعوا عالسطوح تبع الفيلا من النواحي الأربعة و يقلدوا صوت الديك
و فيقوا كفرون ( إلا الي نومه تقيل )

المهم بعد هالفصول تبعه نزل من عيني كتير و من قلبي ما عدت أقدر أحبه متل قبل أو أسمعله متل قبل

و يا ريت يا شباب و يا صبايا حبو مطربين ما عبقلكم لأ ( و إذا لأ بيكون أحسن ) بس حبوهون بعقل مو بجنون

مع احترامي للجميع ، سلامي

يرحى منك التفريق بين الحياة الشخصية والحياة الفنية

واكيد كل فنان الو فضايح كبييييييييييرة والكل عارفين هالشي