[Willi]

خيو بالنسبة لردك بدي رد عليك بشكل شخصي. يعني ما كانو الي دخل بالادارة.

بس بخصوص شغلة انو اللجنة تطلع بحل يرضي الطرفين.
معلم ما بظن هاد شي ممكن يفيد بشي. لانو مافي شي رح يرضي الطرفين غير انو والله يحكو متل ما بدون (يعني يا اما اللجنة تحكي متل ما بدون الاسلام لترضي الاسلام, او العكس تحكي متل ما بدون المسيحية لترضي المسيحية).

انا بشوف انو الحل لوقف هالنزاع. هو منع الحوارات الدينية من اساسها.
يعني مرت فترة منيحة بالمنتدى ما حدا كتب موضوع فيه حوار ديني. وما صار شي من النزاعات.
بس وقت عم يصير حوار بدو يصير مسبات وشتم وكلشي بدك ياه. خصوصي انو 90% من اللي عم يتحاورو ما بيعرفو شي عن دينون. والحل الوحيد عندهون انو يسبو (وقت بافلسو, لانو ما عندهون معلومات).

وحتى وان كانو بيعرفو عن دينون. بتجيهون كلمة من هون كلمة من هون, بيفقدو اعصابون وببلشو يسبو.

الحل الانسب والافضل برأيي انو ما يصير حوارات دينية.


بالنسبة للشباب اللي انحظرو, ما بدي قلك انو السبب الاكبر لحظرون هو حوار الاديان.
السبب الاكبر هو بعض الالفاظ المشينة اللي كتبوها.
اللي انا كشب بستحي احكيها قدام رفيقي.

بالنسبة للحكيم, هلق هو كان المفروض انك تكتب العنوان مناسب للمحتوى, مشان ينرد عليك.
بس انا هيك راحت عن بالي هالشغلة. (بتأسف)