[Mr.Mad]

كاتب النص الأصلي : لاوديسا

اول شي اهلا وسهلا فيك

كاتب النص الأصلي : لاوديسا

وتاني شي بعتقد لازم نفصل بين طريقة حياة المطرب وبين فنو
يعني نحنا معجبين بفنو وما دخلنا بطريقة حياتو لانها حرية شخصية ... وما في اي انسان كامل
وراح اعطيك مثل عن جان جاك روسو هالانسان المبدع اللي كان عندو اهم النظريات والكتابات عن الاخلاق والتربية و.... لكن تعال شوف طريقة حياتو كانت غريبة وبينما كان هوي عم يحكي عن الاخلاق والتربية كانو ولادو ما عندن شي من هالحكي اللي كان يكتبو وحتى هوي اعترف انو كان اب فاشل وطريقة حياتو غريبة وهيدا الشي اكيد ما راح يخلينا نكرهو او ننكر انو انسان عظيم ... طبعا هيدا مثال بس ماني عم قارن
منرجع لموضوعنا جورج وسوف فنو تاريخو ونحنا منحب فنو وهيدا شي عام .. اما حياتو الخاصة فهيي خاصة

أهلاً بلاوديسا , أول مين رحب فيني و أول مين علق على ردي (:

طيب ما أختلفنا أنا معك نحن إلنا بفنو و أسلوبه التطريبي و التعب الي بيتعبه على أغانيه
بس لا تنسي أنه بيعامل جمهوره كمان معاملة خطأ ، و معاملته لإلنا نحن الي منحبه أسوء معاملة سيئة جداً
و لا تنسي كمان لما جرحنا كل ياتنا بجملة لما قال
هاد الفن ما بيليق بهيك زمن
طيب يا أبو وديع و نحن ؟!
نحن الي منحبك و ما منسمع لغيرك كمان فنك ما بيليق فينا

لااااااا لا لولو خانمـ (:
لهون و حاج بالنسبة إليّ ما بقى اتحمل ذل أكتر من هيك مشان أسمعلي غنية حلوة و أسلطن

ما بعرف يمكن أنا حساس زيادة , أو بفكر بتفاصيل زيادة

المهم أنو عنجد أنا من جوة ما بقى أقدر أحبه متل قبل و شكراً كتير إلك على ردك و تعبتك معي