[وائل 76]

كاتب النص الأصلي : أبو طريق

لا شكر عواجب أخي وائل ، بعدين الشكر الأول و الأخير إلك لأنك لفت نظرنا لهيك موضوع كتير مهم و مثير.

مشان تساؤلك عن شو علاقة غاز الميثان بحوادث الطائرات، رح جاوبك عليه، بس قبل ما احكي عنو لازم نعرف إنو الطائرات كل أجهزتها معقدة و الكترونية، ابتداءا بالرادار و انتهاءا بالطيار الآلي، و كل هالأجهزة بتعتمد بشكل كتييييييييير كبير عالمجال المغناطيسي للأرض و بالذات في مجال تحديد الاتجاهات و التوازن، و بالتالي غاز الميثان بصير يعكر المجال المغناطيسي فوق مثلث برمودا و بسبب لخبطة كتير كبيرة لأجهزة الطائرة(سواء التوازن أو الاتجاه) و بالتالي الطيار بيتلبك و الطيارة بتوقع.
مشان قربلك الصورة أكتر، إنتي طبعا بتعرف إنو الخفاش أعمى و ما بشوف و بيعتمد بطيرانو على الموجات الصوتية يللي بيصدرها و على هالأساس بحدد الاتجاهات، فتخيل تكون إنتي و خفاش بكهف مسكر و جرب رن جرس، رح تلاقي الخفاش جن و بلش يضرب بالحيطان و بطل يعرف وين الله حاطو، لأن صارت تجيه موجات صوتية من كل مكان، و هيك مبدأ غاز الميثان، يعني الطيارة و الطيار هنن الخفاش، و المجال المغناطيسي هوي الأمواج الصوتية، و غاز الميثان هوي الجرس يللي أصدر موجات صوتية و عكر الجو.

بتمنى كون قدرت وصل الفكرة بطريقة صح و مفهومة.

اكيد اخي العزيز وضحت الصورة هلاء وبعتقد انو هذا هو التفسير الاقرب للعقل والمنطق
بشكرك اخي على تفسيرك ومشاركتك
اقبل مني كل الاحترام والتقدير