[krimbow]

مع احترامي ألك سيد مسلم بس يعني الواحد لازم يعمل دوكتوراه ليناقش ((الأخوان المسلمين)) بنظرك؟

حبيب..... اذا كل ما واحد طرح موضوع بدنا نجيب اختصاصي ليحكي ساعتها بتبطل الأخوية منتدى
نحنا هون لنتحاور و لنعرض أفكارنا
انت عندك فكرة عن الأخوان و انا كمان و جو و قصي كمان عندو فكرة هلأ كل واحد فينا بيقول فكرتو و كل واحد حر انو يقتنع بأفكار غيرو او لاء

أريد أن أسأل سؤال وسأجيب أنا عليه
س: ما هو سر تأخر العرب جميعا عن باقي الأمم؟؟؟؟
ج: هناك أسباب عديدة وكثيرة ولكن أستطيع أن أجزم أن من أهمها أن معظم العرب يتدخلون فيما ليس لهم به علم
إذا علم الواحد منهم واحد على مليون من الموضوع يدعى كذبا أنه علامة وأنه لا مثيل له في هذا المضمار

مع انو ما حلو اسلوب انك تسأل و تجاوب و مع انو يللي عم تقولو فيو شي صح
يعني "أحد" اسباب تأخر العرب هوي عدم التخصص و تقسيم العمل بس هاد الشي بالعمل
اما بالأخوية مش معقول انو انا كمحاسب ما أحكي غير عن الحسابات مثلا أو الطبيب يحكي عن الأمورالصحية
بعدين هاد سبب واحد من اسباب تأخر العرب و حتى انو هالسبب أهون الأسباب لأنو التخصص ممكن يلتغى بفتح جامعات اختصاصية و بعدين بيصير في تقسيم للعمل
اما السبب الأساسي هوي النظم الحاكمة المستبدة يللي عم نحاول نكشفها للناس بالمنبر الحر بس لا تفكر للحظة انو ممكن نبدل هالنظم بنظام اكتر استبدادية متل الأخوان و أفكارون

ثانيا : الجماعة التي تعتنق الإسلام حقا لا تقوم بأي عملية تفجير أو إرهاب أبدا وجماعة الإخوان لم تقوم بأي عملية تفجير أو إرهاب ومن لا يصدق يأتي بالدليل

من كل عقلك!!!!!!!
طيب و اغتيال بطرس غالي، أنورالسادات، محمد فاضل، ........

ممكن اسألك كم سؤال
مين يللي بيقول ((مسلم من بنغلاديش أفضل من مسيحي جاري))؟
و بعدين ما جاوبتني: شو وضع المسيحيين و اليهود و الملحدين (يعني يللي مانو مسلم بشكل عام) بدولة بيحكمها الأخوان؟
بعدين ممكن أنو الأخوان اذا استلموا الحكم انو يسمحوا بانشاء حزب شيوعي او حزب مسيحي؟
و ممكن اذا الشعب بعد ما استلموا الأخوان ما طاق هالحكم أنو يسمح الأخوان يكون في انتخابات ديمقراطية (يللي هيي أحد اسباب تطور البلدان الرئيسية) و انو يسقطوا حكم الأخوان؟

ما رح ناقشك بموضوع الجلابية لأنو بصراحة آخر همي، انا كتير مرتاح بالجينز بس لمعلوماتك اذا حدا فرض لبس الجينز عليي رح ارفض البسو، لأنو اللبس حرية شخصية، و مع ذلك الحكمة من تقصير التياب يللي كتبتها غير مقنعة لأنو انت كتبت "كانت" يعني هلأ شو الحكمة باعتبار ما عاد "تطويل الثياب" يعتبر من الخيلاء (هلأ صار تقصير التياب على حسب علمي خيلاء، واللا انت شو رأيك؟)

و بالنسبة لاطلاق اللحية كمان الشغلة حرية شخصية، ما دخلو لا "محمد رسول الله" ولا غيرو لحتى يأمر أو ينهي فيها
و مع ذلك انا سألت واحد شيخ بزماني و قاللي انو اطلاق اللحية محبذ و ليس واجب بالإسلام

بس ممكن تجاوبني ع الأسئلة تبعي لو سمحت