عيد ميلاد نسرين هيك بفرد طبشة.
و 24 سنة كمان. والله العمر عم يمر بسرعة. لسى مبارح كان عمرك سنة وما عم تعرفي تحكي.
دغري هيك غمضي عين فتحي عين صرتي 24.
لسى كمان تغميضة وتفتيحة تانية بتلاقي حالك صررتي 70 ومركبة بدلة. وعم تتعكزي على عكازة. وحردبة بضهرك.
وبتكوني صفيتي لحالك. ما حدا مدور عليكي. ولا حدا بعايدك.
واللي بتحبيهون بكونو ماتو (الله يرحمون)
ايييييييه. هاي هية الحياة.
شو بدنا نساوي. بدنا نتحمل ونضل عايشين هيك لحتى نموت ونخلص.
اما بالنسبة لهلحظة هاي, فكل عام وانت بخير. وانشالله هيك بيتحققو كل امنياتك. وعقبال ما نفرح فيكي, ونخلص منك. وتبطلي تعملي مشاكل.
وعقبال هيك ال 1000 سنة (ولو انو ما رح توصلي لل 1000) بس يلا مو مشكلة
