[oliver68]

كاتب النص الأصلي : لاوديسا

ان شالله بكره احلى يا طارق

إنشالله يكون بكرا أحلى، أصلا أنا متفائل، بس للأسف مو بالبلد.
أول شي سيدتي صحي مافي راتب أقل من 7000 ليرة، بس كمان مافي كيلو لحمة أقل من 300ليرة، و مافي معاملة بالدولة رشوتها أقل من 200 ليرة، و مافي أجرة بيت صالح للاستهلاك البشري أقل من 6000 ليرة(لاحظي ما قلتلك سعر البيت، لأن المواطن التفكير بشراء بيت صار معجزة)، و مافي سيارة متل الخلق و العالم سعرا أقل من 300000 ليرة سوري، بس عنا بسوريا مكتوب عالمواطن مشان ما ينشغل بمحاربة الفساد و المفسدين يللي عميستغلوا خيرات البلد الكتيرة، مكتوب عليه إنو يشقى و راتبو لازم يكون يا دووووووووووووووب مكفيه، يعني توفير يحلم فيه، لأن إزا المواطن شبع رح يصير فاضي لمحاربة الفساد، يعني لمحاربة مخلوف و آصف شوكت و رستم غزالي...الخ، هدول يللي عمبحركوا البلد بأصابيع رجليهن، و داعسين عالمواطن متل الصرصور.
و أنا لما حكيت عن العسكرية و الفساد ما كان قصدي بشار لحالو، يعني حافظ الأسد و جماعتو، يعني الحرس القديم.
و لما حكيت عن سبب، يعني بتكوني كتبتي استرحام أو مثلا قدمت لمقابلة الرئيس و بالصدفة نقبل الطلب، هيك شي يعني، وكمان الإيفاد سبب من الأسباب.
مشان الدوائر الحكومية، صحي ما فينا نشتري ضمير، بس فينا نسرح الموظف اللي ما عندو ضمير، و نحط بدالو واحد-بغض النظر عن طائفتو- عندو ضمير، يعني الضمير فيه buit in، مافي داعي نركبلوا ياه تركيب.
ياريت وقفت عالموظفين الصغار، لك حتى الموظفين الكبار متل يللي زكرتن سابقا ماحدا عميحكي معن، بالعكس، الرئيس معتبرن إيدو اليمين، و كل يوم عمبزيد صلاحياتن، فوين التغيير؟؟؟ يعني إزا جذور الفساد ما نخلعت، كيف بدنا نقضي عالفساد؟؟؟؟
و لسا حجتنا إنو التغيير بصير شوي شوي، والله خلق الدنيا بسبع تيام، بعلمي الرئيس صرلو سبع سنين، و لسا البلد من سيئ لأسوء؟؟؟؟؟؟؟؟وين الإصلاح، ولا الفساد يللي صرلوا 35 سنة، بدو 35 سنة ليروح؟؟؟؟؟؟؟
متل ما بقول المتل، لو بدا تشتي كان غيمت.