اقتباس:
كاتب النص الأصلي : أبو طريق
أنا بصراحة تفاجأت كتييير بيللي حكيتيه، بس هالشي مو يعني إني عمكذبك.
انا حكيت يلي عم مر فيه بكل صدق
أولا أنا ما بعرف شو تخصصك و شو فرعك، و بعدين كتييير مستغرب من إنو الراتب طامرك طمر!!!! معقول كل موظفين سوريا رواتبن من الحكومة طامرتن طمر؟؟؟؟؟؟
انا حكيت عن راتب الموفدين مو الموظفين جوا البلد
إزا طامرتن ليش المواطن السوري و بالذات الموظف الحكومي يعيش على خط الفقر إزا مو تحتو؟؟؟؟؟؟
هيدا الكلام من زمان انا بايدك فيه اما هلق بعتقد كل شي تغير وما في راتب اقل من 7000
أنا أبي تغرب مشان الرواتب، و ليكيه بالغربة كلشي جمعو دفعناه أقساط للبيت.
انا معك هيدا من قبل بس اللي عم يتغرب هلق منشان يحسن وضعو مو منشان يعيش
بعدين على أي أساس رحتي منحة؟؟؟؟
شو هي على اساس ؟
بعدين ايفاد مو منحة
أنا هلأ عمإدفع لدراستي بالماجستير 11200 دولار و بدولة عربية كمان
يعني ما بتعرف انو الدول العربية الدراسة فيهن اغلى وحتى المعيشة
رفيقتي مثلا عم تدرس بالاردن وعم تحط اللي فوقها واللي تحتا بس هيي منحة مو متلي وعلى فكرة نفس مجال دراستي هيي
، أبي عميدين مشان يخليني كمل دراسة، لا تفكري إني مبسوط، لأ، بس أبي حلموا الوحيد بهالدنيا إنو يشوفني مكمل دراستي، و بالذات إني مسبق عن أغلب يللي من جيلي، و ما خلاني اشتغل بعدين كمل دراستي
الله يحققلو هالحلم يا رب ويفرحو فيك
، وهادا الحلم يللي هوي ما قدر يحققوا من تحت راس حكومتنا الدكتاتورية، لأ، يا حزرك ليش ما قدر يكمل تعليمو؟؟؟ لأن كان ملتهي بجمع لقمة الخبز بعد ما توفى جدي، حالو حال كل مواطن شريف و نزيه بسوريا
هيدا الحكي بينطبق كمان على ابي اللي حرم حالو من الدراسة منشان يصرف على خواتو ويقدر يعلمهن والحمد لله ما ضاع تعبو ... بس صدقني زمان اول تحول وهلق كل شي صار احلى وبكرة ان شالله احلى واحلى
بس طولو بالكن يعني الله خلق الدنيي بسبع تيام وما في شي بيجي بالسهل الواحد بدو يضحي
بس يعني الوضع مو بهالسوء اللي عم تحكو عنو
، و ين كان الرئيس و مخلوف و غيرو و غيراتو لما أبي ضل بالجامعة 10 سنين، مو كسل، بس راح عالعسكرية و طلبوه احتياط(عأساس آل يعني يحرر الجولان و يتبنى القضية) و اشتغل فترة مشان يعيل أهلو، و هلأ بدو ياني كمل تعليمي،
ما فهمت شو دخلو سيادة الرئيس هون يعني انت عم تحكي من زمان
للمعلومات العامة أنا راسلت جامعات كتير معتبرة ببريطانيا و أميركا، و عملت الTOEFL و جبت فيه العلامة المطلوبة، و جبت 3 رسائل توصية من أهم دكاترة قسمي، و هنن عفكرة معروفين عمستوى عالمي، كلن دارسين بأميركا و بريطانيا، و إلن أبحاث و مقالات منشورة بأهم المكتبات العالمية و الدوريات العلمية، و قبلوني الجامعات، بس وقف سفري و حلمي على أجرة الجامعة و المعيشة يللي بتوصل لل50000 دولار برياحة. ما تفكري كلشي حكيتو مسلسل درامي، لأ واقع محض.
مين قال انو مفكرة او راح فكر انو اللي كتبتو مسلسل درامي لاء ابدا انا بعرف انو لسى وضعك احسن من وضع غيرك ووضع الغير احسن وهيك يعني مو كل شي تمام اكيد في السيء وفي الاسوء متل ما في الجيد والاجود
إنتي لاوديسا إزا كنتي حالة خاصة(مو شرط واسطة)
صدقني مو انا لوحدي انا شايفة اللي حواليي هون اوضاعهن منيحة وصدقني في منن من اول سنة دراسية بلشو يعمرو بيوت بسورية شغلة
بتمنى تصدق شغلة وحدة انو ما عندي واسطة بنوب واذا عالوضع المادي فتاكد انو اقل من عادي يعني وسط
مو يعني إنو الحكومة طامرة الشعب بخيراتا
انا ما قلت هيك انا قلت الاوضاع عم تتحسن
، لو كان صاير نفس الشي معي كنت كمان متل موقفك، بس رح كون حالة خاصة لسبب من الأسباب.
شو يعني لسبب من الاسباب
مع كل هالشي أنا ماني ضد أو مع الرئيس، بس كان الأولى فيه إنو يوقف النصابين الكبار من العلويين و غيرن عند حدن، و يحاسبون بتهمة الخيانة العظمى بحق الشعب، و كان الأولى إنو يشيل الموظفين الحكوميين يللي معينين بالواسطة الحزبية أو الواسطة الطائفية أو حتى الواسطة الشخصية،
بعتقد ما قصر ولا عم يقصر بس انتو بدكن الشغلة كن فيكون
لأن هدول ذلوني ذل لما كنت روح راجع بالدوائر الحكومية،ذلوني إلي و لكل مواطن سوري ما إلو غير الله بسوريا.
بهالفكرة انا معك تماما وبكره اتعامل مع اي دائرة حكومية
وهون ما دخلو سيادة الرئيس يعني اللي بلا ضمير ما منقدر نشتريلو ضمير
و رغم كل هالشي ما عندي حقد لا عالرئيس ولا على طائفة الرئيس، لأن هالطائفة كمان فيها معترين كتيييييير متل حكايتي، دعسهن النظام و أعوانو برجليه.
يعني ليش الحقد
بالمختصر نحنا لولا سيادتو و سيادة أعوانو ما كنا عرفنا شو صار فينا، كنا غير شي تماااااااااااام.
|
ان شالله بكره احلى يا طارق
