هي سيارة حلوة بس انتا نسيان تحكي للشباب عن مواضفاتها
انا رح قلكون
هالسيارة الحلوة هي من تصنيع محلي بس المحرك صيني (فيسبا)
ثلاث عجلات وناقل الحركة (جنزير ) وطبعا 3x3 مقعدين وصندوق خلفي واسع للحمولة
تمتاز فيسبا بقوة صوتها الي بيزعج كل من حوليها وحتى الارسال
محرك
وتتالف من محرك 0.75 حصان بيعطيها قوة دفع خيالية وخاصة على المنحدرات والرتعات
الجبلية وبالصحرا كمان
. وطبعا هو من اربع سرعات عادية . وبتألف كمان مناسطوانة وحدة يعني حوالي 75 cc
وبيعمل حوالي 50 دورة بدقيقة وبمتاز المحرك
بصغر حجمه وقوتو بنفس الوقت سرعة المحرك القصوى 80كم /سا
وبدها من صفر للثمانين حوالي نص ساعة حسب نظافة الطريق
وناقل الحركة : جنزير
الهيكل
وبنحكي شوي على الهيكل الي فيو كل لمسات الذوق والتصميم الجذاب والأنسيابي
والمصنع باليد وبتظهر قمة ابداع المصنع .الصبغ من افخر انواع الدهان الزياتي
(دهانات امية )
الهيكل مصفح و ما بخترقو الرصاص وهي ميزة صعب تلاقيها بكتير من سيارات
المقصورة من الداخل
من الداخل لوحة تحكم من الكروم بس هون المصنع حاول يعمل شي محرف يظهر
ابداعو فقرر انو يلغي كل ساعات لضيق الوقت. الفرش من جلد المشمع المفروش باليد
من معلمين مختصين ولالوان حسب الطلب
وفي منها كشف او مغلقة حسب اوبشن
للبحب يعرف سعرها جديدة حوالي 1000 دولار
قال الي ما بيجي تحتك تعا فوقو
|