[oliver68]

كاتب النص الأصلي : haedoora

له يا اخ ابو طريق الله يسامحك انت بتعرف انو انا بحترمك كتير بالرغم من التناقد والاختلاف بالاراء بس هادا ما بيفسد للود قضية

يا اخي النقد البناء حلو والمعارضة اروع شي بس بذمتك بدي اسألك وانا بحترم رأيك لانو مو بالضرورة انو ولو كنت ضد النظام بس قلبك عالوطن مو عيب هادا كوستا يللي عم يحكي عالطائفة بسوريا شفت بعينك
هي الديمقراطية والوحدة يللي بو ياها عم يحكي بلغة علوي وسني وشيعي انا كيف بدي حاورو او اوثق بحكيوا اذا كان هيك تفكيروا

مع كل الاحترام ناطر ردك اخي العزيز

هلأ حيدورة أنا بشكر احترامك إلي، وأنا كمان بحترمك، بس أنا تفاجأت فيك لما شفتك عمبدافع عن هيك حثالة متل رامي مخلوف، يعني لما دافعت عن بشار عذرتك لأن بشار جديد، بس تدافع عن واحد يعتبر من أهم أسباب انحدار المستوى المعيشي للمواطن السوري، هي ما حبيتها منك بنوب، بعدين كوستا ما حكا بطائفية مطلقة، يعني حكا الواقع، هوي مو كرهان العلويين، بس كرهان سيطرة الزمرة الفاسدة من العلويين، و للأسف بيتستروا بأنو النظام إلو نفس الانتماء الطائفي، و بيتحاموا فيه.
هلأ واقع إنو العلويين مسيطرين سيطرة نسبتها 99% على الدوائر و المؤسسات الحكومية مو مخفية عالعالم، بالعكس ظاهرة، و للأسف الزمرة الفاسدة من هالطائفة هيي يللي بتحكم، و الناس الفهمانين منكن رافضين هالشي رفض مطلق، يعني لو يكونوا العلويين المستلمين هالمناصب محطوطين بالمكان المناسب ما منقول شي، بالعكس منرفع راسنا فين، بس إزا الحالة متل ما موجودة هلأ، اسمحلي الموضوع فيه إن، و أنا عن تجربة شخصية عمبحكي هالشي، مو مجرد إشاعات سمعتا من العالم.
أنا ما بدي تفهم من حكيي إنو أنا عندي حقد لطائفة معينة لاسمح الله، بس أنا عمبحكي واقع بلدنا، و كمان في كتير غير العلويين نخروا بالفساد، خود مثال بسيط كتيييير خدام، يللي جنا عالشعب هوي وولادو و دفنوا زبالة العالم عنا، و بالأخير عاملي حالو نزيه و بطل قومي!!!!!!!!!
بالأخير يا معلم بدي ياك تفهم شغلة، إنو الفساد مو حكر عطائفة معينة، بالعكس تماما، بس حظ إخواننا العلويين إنو يكون منن حاكم فاسد دكتاتور، و بصراحة هوي و جماعتو نزعوا سمعتن، هادا واقع حبيب، مو افتراء أو كذب، يعني مخلوف و آصف شوكت و غيرن و غيراتن معروفين شو هنن بالنسبة للعالم، و هادا واقع.