اقتباس:
كاتب النص الأصلي : امرأة من ورق
في حل تاني بدون ماحدا يغير معتقدو وهو الزواج المدني..... بعرف رح تقلي ببلادنا مافي زواج مدني بس في دول كتير فيها زواج مدني وممكن يتزوجو فيها ويعلنو زواجون ببلدون وهيك بيصير زواج رسمي وبظن مابيضل في مشكلة كبيرة وبيكون تزوجو وعاشو سوى وبدون ماحدا يغيير دينو او معتقدو...... طبعا هاد بحالة كان الطرفين متفقين على تفهم الآخر وتقبلو
وشكرا عالموضوع  |
يا ستي اوكي انا مع كلامك بانو احيانا بيكون الحل بالزواج المدني لكن لا يمكن لنا ان نغفل المنظومة الفكرية يلي بنعيش من خلالها
لما الواحد يتزوج وحدة مو من ابناء ديانته اول سوال راح يسالوه الاهل قبل السؤال عن صفات هذا الشخص وعمله سيكون السؤال عن الدين وكيف بدكم تعملوا بمشكلة اختلاف الدين هذا قبل الحديث عن ترتيبات الزواج وتفاصيله
يلي بقصده انو المشكلة اكبر من مجرد الالتجاء للزواج المدني لانو راح يكون مرفوض من الناس والمجتمع
لذلك انا بتسال هل من الممكن ان نضحي بعقيدتنا من اجل من نحب
اقتباس:
كاتب النص الأصلي : امرأة من ورق
حكيك صحيح اسير..... بس برأيي انو اذا الاهل متشديين لهي الدرجة اهل الشب مارح يقبلو انو يغير دينو واكيد رح يهدرو دمو لانو غير دينو ورح يهدرو دمها لانها كانت السبب بالاضافة لانو اهلها كمان رح تضل عندون فكرة انو هاد متربي تربية دينية مختلفة وبالتالي رح يحسو انو تغيير دينو شئ شكلي ومارح يقبلوها ....... يعني اذا كانو الاهل متشديين كتير انا بشوف انو مارح يكون في حل بهيك حالة 
بكل الاحوال الي رجعة على موضوعك..... شفتو عالسريع وماكان عندي وقت احكي فيه بس الموضوع ظريف |
انا بتفق معك انو بالحالتين هناك في مشاكل وصعوبات
لكن انا كنت عم احكي من خلال انو الرجل هو الاقدر على تحمل تلك المشاكل والاعباء خصوصا انه ليس بحاجة الى اهله لو وصل معهم لطريق مسدود
اضافة لانو لا يمكن لاي رجل يحب فتاة ان يقبل على نفسه ان يكون سببا في قطيعتها من اهلها لانو بالرغم من الحب والحنان الذي يعطيه الرجل لحبيبته يبقى حنان وحب الاهل ذو طعم اخر
لذلك كله بعتقد انو التضحية هون لازم تكون من الرجل لانه هو الوحيد هنا الذي يستطيع ان يقدم تلك التضحية
شكرا الك امراة من ورق على مشاركتك الرائعة وكلامك يلي بخليني دايما مقتنع انو بعدو في شباب عرب واعي ومثقف
تحياتي الك وشكرا لمرورك