[LaDyInReD]

كاتب النص الأصلي : وائل 76

مع احترامي الشيديد لرئيك عزيزي اسير لكن بعتقد انو هاي مو حنية بقدر ما هيا مجبورة تتاقلم مع هيك واقع حتى ما تضطر توضع نفسها امام خيارات و بدائل طبعا انا هون بقصد بالعموم ما قصدت اختنا بنت الاكارم بس انا عم رد عليك اسير في وجهة نظرك
انا بتفق معك انو بكتير احيان بيكون حنان وتضحية بس كمان بكتير اوقات بيكون رضى بواقع مفروض لتبعد نفسها عن انو تصير امام بدائل وخيارات لكن لو هيا واثقة انو ممكن تمنع هيك شي اكيد ما راح تقصر



ردودك دايما مقنعة عارفا ليش ؟؟؟؟؟؟؟؟؟لاني راح رد على اسير وبنت الاكارم وكل واحد بطريقة الردين على النقيض من بعض وكلاهما صح
عارفا شو السبب ؟؟؟؟؟؟؟السبب انو اي شعور انساني ما ممكن نتحلله بمعزل عن باقي المشاعر يلي بتخلج صدر الانسان لانو كل المشاعر هون بتختلط وبتتشابك لذلك بنلاقي نفسنا عم نعيش متناقضات في وقت واحد



لا هاي مو انانية بنت الاكارم بقدر ما هيا نوع من الثقة بالنفس وان لم تصل الى حدود كبيرة لانو ما بداخلك نار وما تظهريه هو برود ورضى
لكن انك تقدري تتماسكي قدامه وتتحكمي بمشاعرك هاي ثقة بالنفس


هاي وجهة نظري المتواضعة اكتر من تواضع اسير التشرد
شكرا الك ليدي على مواضيعك يلي شكلك عم تعدي رسالة دكتوراة بالعلاقات النسانية وعم تستغلي ثقافتنا العالية كتير لتاخدي الدكتوراة على قفانا

كل كلمة يا وائل حكيتها هي بمحلها..

الحب والغيرة انولدوا ليمشوا طريقن مع بعض..

وانا برأيي انسان لا يغار هذا دليل انه لا يحب..

وولا مرة الغيرة بتعبر عن عدم الثقة بالنفس...الا اذا وصلت لحدود التملك..

اما بالنسبة لرسالة الدكتوراة فلأ ما عم بعمل هيك..انا شخصيا احب النقاشات العامة عن مواضيع انسانية - اجتماعية حسّاسة. لأنه كل عضو هون اكيد رح يوصل لمرحلة انه يواجه فيها موضوع من مواضيع النقاشات يلي طرحتها..

مشكور على مرورك..