اوكي ... خلينا نناقشهم وحدة وحدة ..
اقتباس:
|
لما منلاقي انو الشعب كلو عم يلجا للطرق الملتوية وبيشجع الشرطة والموظفين حتى يرتشوا فهاد شي بيخليون بلا ضمير وبالتالي ......فهمت عليي
|
وقت بتلاقي الشرطي ما بيمرقك قبل ما تدفعلو المعلوم ... ووقت بتلاقي الموظف ما بيمشيلك معاملتك قبل ما تحط بايدو اللي بيقدرك عليه الله ...
وقتها ( بتضطر ) غصبن عنك انّـو تلجأ للطرق الملتوية .. يعني الشغلة ما كانت بايدك والقرار مالو راجع الك ..
بس في حال زوال المسبّب "واللي هو بهالحالة كل واحد بيجبرك ع هالتصرف " ...
بظن انو هالطرق رح تروح معاه - ولو انو يمكن تاخد وقت بأول فترة ، لانو مافي عادة بتبطل بين يوم وليلة - ...
بس يا سيدي .. وتاخد وقت ! شو ورانا ؟؟ اذا نحنا ما لحّقناها خلينا نورّث شي منيح للاجيال الجاية يخلّيهم يذكرونا بالخير !!
اقتباس:
|
بعدين ممكن تلاقي الواحد وهو فقير وكحيان وعلى علم بامور الشعب طيوب وادمي وابن حلال واول ما بيستلم شي منصب على طول بيصير فاسد وها شي طبيعي بدو يطلع الفرق الزلمة...ولو
|
اي معك حق ... احتمال كبير هالشي يصير ، بس مو لانو بدو يطالع الفرق - برأيي - ... وانّما لانو وقت بيكون هالابن حلال محاااط بدائرة من اولاد الحرام .. ما بيعود بينفع شي ... وبالعكس بعد فترة هو اللي رح يتأثر ويلحق الجماعة
...
يعني بيصير وحيداً بين الذئاب
.. بئا يا بتصير على شاكلتهم ، يا سلامة تسلمك انت الخسران !!
ولهيك انا وضّحت بآخر كلامي انّو وقت بدو يصير تغيير - ايجابي ملموس - ..
المفروض يكون التغيير " شامل " ابتداءً من اكبر واحد بالدولة لاصغر واحد فيها ... لحتى يكون الجو المحيط فيك كلّو من جماعة اولادين الحلال
~*¤ô§ô¤*~ No Pain ... No Gain ~*¤ô§ô¤*~
المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...
نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...