[مايسترو]

كاتب النص الأصلي : جورج الأول

مساء الخير يا شبيبة
مع كل احترامي لأرائكم بس للأسف انتو عم بتمثلو نفس الدور عن المجتمع يلي أغلبكم بكل مشاركاتو عم يرفضوا؟يعني بدكن تشكلوا لجنة رقابة و تفتيش أو بالأصح فرع مخابرات بيمنع كل واحد بيحكي بالطريقة يلي ما بتناسبكن.
طيب حدا منكن عايش قبل فترة انتشار النت بالبلد ؟ هلأ كل واحد منكن عم يعبر عن رأيه بدون ما نعرفه و بدون ما يحس بالاحراج اذا غلط و منكن مين بطرح أفكار غريبة و محرجة للشخص نفسه بس بلائي مين يرد عليه وينصحوا.الحل مو بكبت الأخرين ,الحل بفهم الأخرين .
مشكلة المواضيع الدينية انو الكل بيندقر لمل حدا بجيب سيرة دينو و بيعتبر انو الدين مو خاضع للنقاش و هادا الشئ غلط أقل شئ بالنسبة لهدا الموقع ؟يعني الأخوية موقع علماني مو طائفي
بس المشكلة انو أغلبية العلمانيين هنن مسيحيين وهون عم تبدا الحرب بين الأخوة باعتبار العلمانين كفار بالنسبة للأخوة المدافعين عن الدين .
هلأ يلي هو متدين في مواقع خاصة وأكتر بكتير من المواقع العلمانية وبقدر يضل هنيك و يصلب قيدو على وشو و يصلي عالنبي قد مابدو ,و أما الأشخاص المستعدين يناقشو كل المواضيع بأريحية و بدون تشنج فهدا الموقع مناسب و طبعا مو معنا كلامي انو بشتم بعض و لكن كل شئ قابل للنقاش وهون بصير في فرصة للانسان يفهم أخوه الانسان يلي عايش معو كل يوم وما يقدر يناقشو بمواضيع بتكون محرجة.
فيا شباب كل واحد بلاقي موضوع مو عاجبو لا يفوت يناقش ليسب و يبهدل حالو "طنشو "
يعني لا المسيحيين وكلاء المسيح على الأرض ولا المسلمين وكلاء محمد على الأرض و غالبية المناقشين بتكون خلفيتهم الثقافية للدين سطحية.
يعني هلا اذا اجا واحد وسب المسيح و قمت أنا سبيتو و بهدلتو شو رح يصير ؟؟رح يبطل يسب المسيح ؟أكيد لا و بالعكس رح يصير يسبني كمان .بس اذا ناقشت هالانسان بموضوعية و حاولت قرب منو أكيد رح أخد نتيجة و يمكن نصير أصدقاء و يمكن يصير يحب المسيحيين لأني محترم معو .
وهون بقول اذا أنا مكبوت ما بجوز اكبت غيري و اذا في مشكلة طائفية ليش نخبيها لنتفاجأ فيها بيوم من الأيام ,بالعكس خلينا نبدأ نفهم بعضنا لحتى نعيش التعايش يلي عم نحكي عليه بحق و بدون مسايرة.

كلامك مزبوط بس في نقطة انو الواحد لما عميناقش ماعم يخلي مجال للنقاش بموضوعية نهائيا ومن الطرفين اسلام ومسيحية(هلق بيجيلي شي واحد بيقول ليش ذكرت الاسلام قبل المسيحية)
وبالتالي فانا مع اللجنة الموضوع مو كبت حريات لا الموضوع انو الشباب اللي عم تزت الفتيش لا تتوقف عند حدها وهلق بس عرفت ليش اهالينا بيقولوا لا تحكوا بتلت شغلات :
الدين والجنس والسياسة

و عم تقول انو ممكن تصيروا اصدقاء مزبوط بس عند اول نكشة لح ينسا كل شي وهاد الكلام واضح بالمجتمع


وعن عمل اللجنة فلازم ما يتوقف شغلها عند هون وبس لازم نتخطا الاشياء التافهة يعني مو شغلتها بس طق البراغي


صحي لازم يتحدد عدد اعضاء اللجنة


مايسترو