[leoprad]

كاتب النص الأصلي : جورج الأول

مساء الخير يا شبيبة
مع كل احترامي لأرائكم بس للأسف انتو عم بتمثلو نفس الدور عن المجتمع يلي أغلبكم بكل مشاركاتو عم يرفضوا؟يعني بدكن تشكلوا لجنة رقابة و تفتيش أو بالأصح فرع مخابرات بيمنع كل واحد بيحكي بالطريقة يلي ما بتناسبكن.
طيب حدا منكن عايش قبل فترة انتشار النت بالبلد ؟ هلأ كل واحد منكن عم يعبر عن رأيه بدون ما نعرفه و بدون ما يحس بالاحراج اذا غلط و منكن مين بطرح أفكار غريبة و محرجة للشخص نفسه بس بلائي مين يرد عليه وينصحوا.الحل مو بكبت الأخرين ,الحل بفهم الأخرين .
مشكلة المواضيع الدينية انو الكل بيندقر لمل حدا بجيب سيرة دينو و بيعتبر انو الدين مو خاضع للنقاش و هادا الشئ غلط أقل شئ بالنسبة لهدا الموقع ؟يعني الأخوية موقع علماني مو طائفي
بس المشكلة انو أغلبية العلمانيين هنن مسيحيين وهون عم تبدا الحرب بين الأخوة باعتبار العلمانين كفار بالنسبة للأخوة المدافعين عن الدين .
هلأ يلي هو متدين في مواقع خاصة وأكتر بكتير من المواقع العلمانية وبقدر يضل هنيك و يصلب قيدو على وشو و يصلي عالنبي قد مابدو ,و أما الأشخاص المستعدين يناقشو كل المواضيع بأريحية و بدون تشنج فهدا الموقع مناسب و طبعا مو معنا كلامي انو بشتم بعض و لكن كل شئ قابل للنقاش وهون بصير في فرصة للانسان يفهم أخوه الانسان يلي عايش معو كل يوم وما يقدر يناقشو بمواضيع بتكون محرجة.
فيا شباب كل واحد بلاقي موضوع مو عاجبو لا يفوت يناقش ليسب و يبهدل حالو "طنشو "
يعني لا المسيحيين وكلاء المسيح على الأرض ولا المسلمين وكلاء محمد على الأرض و غالبية المناقشين بتكون خلفيتهم الثقافية للدين سطحية.
يعني هلا اذا اجا واحد وسب المسيح و قمت أنا سبيتو و بهدلتو شو رح يصير ؟؟رح يبطل يسب المسيح ؟أكيد لا و بالعكس رح يصير يسبني كمان .بس اذا ناقشت هالانسان بموضوعية و حاولت قرب منو أكيد رح أخد نتيجة و يمكن نصير أصدقاء و يمكن يصير يحب المسيحيين لأني محترم معو .
وهون بقول اذا أنا مكبوت ما بجوز اكبت غيري و اذا في مشكلة طائفية ليش نخبيها لنتفاجأ فيها بيوم من الأيام ,بالعكس خلينا نبدأ نفهم بعضنا لحتى نعيش التعايش يلي عم نحكي عليه بحق و بدون مسايرة.

حبيبي جورج اول الشي كان في شي اسمو حوار الاديان كانت العالم تيجي تحكي على كيفها بس للاسف صار في خناقات و مشاكل و سب و مدري شو و تسكر (على هوا ما فهمت لاني ما لحقتو )
ماعلينا هلق الحال هوي كالاتي :
في مسيحية كتير و في اسلام كتير في عالم متدينة و في عالم مقتنعة و في عالم لا
بس بكل الاحوال ان كان الشخص متدين او مقتنع او حتى مو مقتنع ما رح يرضى انو ينحكى على دينو و هو ساكت
لهيك و تجنبا للمشاكل (اغلبية المشاكل من اعضاء جدد بيجو بحطو فتيشة صغيرة و بيمشو ) نحنا بنقدم تقريرات عم مشاركات عاطلة من قبل كل اعضاء شلتنا لحتى يتوقف هادا العضو
هلق ممكن مع الايام ينفتح حوار الاديان او ينضم الشخص لشلة معينة يقدر يحكي فيها على الدين بيبقى وقتها بتتناقش العالم
بس الى حينها رح نحاول قدر الامكان نوقف المتطاوليين على اي ديانة
ماشي؟؟؟