[فلاش باك]

كاتب النص الأصلي : امرأة من ورق

حاسة كل الناس رح تفوت وهيي متوقعة شي موضوع مهم كتير
للصراحة هوي موضوع مهم وخطير بالاخوية
هاد الموضوع ياسادة ياكرام هوي ظاهرة التطبيق بالاخوية
يعني بيسجل شب او صبية والهدف الوحيد انو يطبقو شي حدا من الجنس الاخر
وبس يشوفو شي اسم بيوحي انو هاد من الجنس الاخر بيبلشو يلاحقوه بكل المواضيع بغض النظر عن اهمية الموضوع وبيبلشو يتشكروه ويمدحو فيه وكتير اوقات بيطلعو عن الموضوع الرئيسي بس كرمال الغزل يعني بيكونو خربو الموضوع وطلعوه عن السياق المطلوب
والاحلى من هيك وباعتبار انو انا اسمي واضح اني انثى بقى كل كم يوم بتكون جايتني رسالة من شخص يادوب عندو مشاركتين تلاتة واحيانا ولامشاركة (يعني انو هوي مابيعرف انا شو كاتبة بالاخوية ولاشو افكاري ولاشي عني وانا كمان مستحيل كون اعرف اي شي عن افكارو) المهم بيبعت كم بيت شعر وعالاغلب لاطشون من شي محل ومن شي حدا وبعدين بيطلب ايميلي

هلأ رح يجي تايغر ويقلي مو محل الموضوع هون..... وبصراحة انا بعرف مو محلو هون بس بتمنى من تايغر يتركو هون بالقليلة كم يوم وبعدين اذا بدك تايغر نقلو واعطيني تنبيه ...... بس بترجاك تركو كم يوم لانو حابة بعض رواد الصالون ( الطبيقة) الاعزاء يقرأوه ويشوفو انو عم يخربو بعض المواضيع الجدية كرمال الغزل واللي اكيد الاخوية مو بيت الو....... واللي بدو يطبق ويتغزل مافي اكتر من مواقع التطبيق يروح يسجل فيها وهونيك بيشوف الجنة المنشودة

ودمتم للحب والغزل في اماكنها وليس في الاخوية

والله ضحكتيني من كل قلبي فعلا صرلي زمان ماضحكت هيك
كلامك 100%
اول شي بدي اشكرك على الموضوع وشغلة تانية انو التطبيق صاير عينك كنت عينك يعني على عينك يا تاجر
والشغلة المهمة انو من شي 3 شهور كنت عم احكي مع شبين من اخوية واقترحنا انو ينفتح منتدى جديد مشان هيك امور يعني مشان انو اذا حدا بدو يطبق حدا يروح لهنيك ماينزع بقية المواضيع وعلى اساس واحد من الشباب يتولى هالموضوع ويوصلو للأدارة
بس هلئ مافيني قول مين هو
والشغلة التانية يلي صرلها فترة كمان عم تصير بأخوية هو الخروج الكلي عن اي موضوع يعني بيدخلو 2 او اكتر على شي موضوع ووبلشو يسلمو على بعض او يتعارفو على بعض او يوصو بعض على شي 2 كغ خيار وبندورة وشي كاسة شاي من ععندك يعني هالشغلات والله مو حلوة غريبة والله غريبة وخاصة اذا كان موضوع جيد
تحياتي
بس مو محاولة تطبيق