امنيتي انو يصير في ديمقراطية وحرية بسوريا. وتصير احسن من اميركا. ونرجعلا ونعيش فيها بشرف
اقتباس:
|
شو هي رسالتك في الحياة ولمين بتوجها
|
رسالتي بالحياة؟؟؟
الورق والحبر خالصين. اذا بتشحدينا شوية. مافي مانع
اقتباس:
|
شو هي التجربة اللي بتتمنى تكررها
|
لو حبيت كرر تجربة كنت كررتا.
بس لما بتعملي شغلة اكتر من مرة بتصير مملة, وبايخة.
ما بفضل عيد ولا تجربة. بدل هيك بحب ابدا بوحدة جديدة.
اقتباس:
|
شو هوي افضل مكان بتروح ليه كتير
|
انا زلمة عاقل بيتوتي
ما زيادة بحب روح واجي. بس اكتر مكان بروح عليه. طبعا غير المدرسة (يعدمني ياها الهي)
بروح عالنادي. مافي شك اني اوقات بقلل مروة وما بروح.
بس بحب روح. في صبايا حلوين كتير هنيك
كتير مطربين ومطربات.
كاظم الساهر, صباح فخري, وائل كفوري, فيروز, عبد الحليم, ماجدة الرومي, مايا نصري (هاي حبيبة قلبي). كتار غيرون بس هدول اكتر الشي
توأم روحي.
مافي حدا توأم روحي.
كان عندي شخص رفيق عزيز على قلبي كتير. بعرفو من اول ما وعيت على الدنيا. هو اكتر شخص بيعرفني.
بس للاسف المسافات بعدتنا عن بعض. ولهلق ما حدا قدر يحتل المركز اللي هو وصلو عندي.
حاليا
اكتر شي خايف منو. هو اني روح على حالي التسجيل بالجامعة. لاني مو عرفان الله وين حاطتني او شو بدي
اقتباس:
|
مين هو الشخص اللي بتتمنى تكون قريب منو هلء
|
والله هلق انا بغرفة النوم وشوي تاني بدي نام. اذا بدي فكر بشخص بهالوقت.
يعني بدها تكون شغلة مو طبيعية
ما حدا. حاليا
اكتر شي بعصب منو. انو يتحرف بالكلام اللي عم احكيه.
يعني احكي كلمة وحدا تاني يفسرها على زوقو, وينشرها على هالاساس.
هاي بتعصبني بشكل مو طبيعي
بهديها لانستي تبع مادة اسمها "الامبراطوريات العظيمة".
لانو بكرا عندي بروجيكت عليها شي 100 علامة وما عملتا. بلكي بتعطيني شي نهار زيادة.
لكل شخص ممكن يغدر فيني
اقتباس:
|
دعوة صادقة من اعماق قلبك لمين بتحب تهديها
|
يعني عن شو بدها تكون الدعوة؟؟
دعوة عليه؟؟
ولا دعوة الله يوفقو؟؟
ولا دعوة الله ياخدو؟؟
ولا دعوة تجيه سكتة قلبية؟؟
يعني شو شكل الدعوة؟؟
اقتباس:
|
مين هوي الشخص اللي ما بترفض طلبو
|
ما حدا.
اذا الطلب ما عجبني. برفضو لمين ما كان
اللهم الا سيادة الرئيس الله يخليلنا ياه ويطول بعمرو ويقويه وينصرو ويرفع من مقدارو ويكتر مصرياتو ويكبر قصرو وزيد من سياراتو. هاد طلباتو اوامر