انا اول مرة اشارك بهالمنتدي العظيم كتير ............بس حبيت احكي انه الشعب الفلسطيني شعب عربي وزيه زي اي شعب اخر بهالعالم......يعني فيه الكويس وفيه العاطل فيه المؤمن وفيه الي مش فارقه معه وفيه حرامي وفيه الي بخاف ربه في الفقير وفيه الي مش حاسس شو عم بيصير بجنب بيته .....و ........... و.......
لكن بدي احكي شغله الامتحان او الورطة الي وقع فيها الشعب الفلسطيني في غزة والضفة لو صارت باي دولة بالعالم ..........كان صار فيهم اكتر من هيك وللاسف الشديد عنا مثل واضح وكبير الي هو العراق ((الله ينصر العراق وشعبه انشالله)) الذبح فيه كل يوم لو تابع احدكم شريط الاخبار راح يلاقي يوميا مش اقل من 20 ل 50 قتيل يومي ......كارثة ..........
لكن سبحان الله في فلسطين ربنا بيطلع الها لانها ارض رباط ربنا راحمنا من شي اسمه حرب اهليه على الاقل لحد هلاء يمكن اخي فلسطيني للابد حكي كلام لو انتو تعمقتو فيه وتخيل كل واحد في الي قرأو الموضوع مكان فلسطيني عايش جو غزة او الضفة ما اتوقع انه يتخيلها ..........فعلا كارثة كبيرة موظفيين ما اخدو رواتبهم من 8 شهور مع العلم كل قطاعات الاقتصاد الفلسطيني من مصانع ومحلات وغيروه بتترزق من الاموال تبعت الموظفين .......
ما بدي اطول عليكم بس للاسف الي ما كنت متوقعه حماس تطلع هيك مثلها مثل حركة الجيا بالجزائر مثلا منظمة اسلامية مدعومة من برا وبتحمل افكار سودا الله يسترنا منها فى المستقبل
اما بالنسبة لاخي طاهر فانا بقولك ما في داعي تعصب ولا شي هيني انا ابن غزة وعايش فيها
صدقني اخي العزيز انه كلامك مزبوط 100% بس كلام اخي فلسطيني برده مزبوط 100%
انا بحكيلك كيف ..حماس وللاسف اصبحت طالبه كراسي ولم تعد كما كانت حماس توفيت بعد احمد ياسين والرنتيسي وما في داعي انشر غسيل وسخ جدا عن اي فصيل موجود على الساحة لكن الي بعرفه والي كل الناس عنا بتعرفه انه حماس لازم تنسحب قبل ان تجر نفسها الي مالا يحمد عقباه او تخسر من شعبيتها اكثر مما خسرت لانه حرام بعد كل هالامجاد الي الها يصير فيها هيك
على العموم اخي طاهر انا ما عجبني هالحكي الي صار بينك وبين فلسطيني برده ما تنسي انه هده منتدي عام يعني كلامك راح يزعل ناس كتير والي بزعلك يا اخي زعله هو لوحده مش ضروري تزعل كل الناس ..............ورمضان كريم ينعاد على الكل انشالله
|